Biblia Todo Logo
Bib sou entènèt

- Piblisite -




MAZMUR 84:3 - Allah Wene Fano Wene Hupla Inane

3 An nendawinggen oba nenat, Hat haiba andoma logoile e, iluk, nendawimo warugu welagi. An nebeba nen inom, nendawinggen oba nen inom, Allah heluk mondok welagen mene andi hobaget, nagaiyegetu logolik foget hafu welagi.

Gade chapit la Kopi




MAZMUR 84:3
10 Referans Kwoze  

At Allah amingmingengge Musa a'nogo nen samban isikhe mene. ”Allah neisena, Nit afuni endamaren ta'larik waga logolik, hobuk ta'lasugun huli andoma faget nit ninebe hawea'ma kuluk werek oba re Hat hebeat welagen o.


It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,


A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.


An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.


Neisena Tuhan nen an noba fanorogo hilingnaferek andi nen, an nendawinggen hambukhogo welagirek.


Tuhan neisena, an nen nane ikhi lagi mene yi holnafik, nendawi ouen ugu mondok welagi mene yi futnobagagik in o, neisena.


At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.


A'nogo werek kwelek, afuni arat wulifukwama at raja nen Zadok mel yagatikhe: ”Nineisena Tuhan an nebe endawit nabigin halok, an nambotkwe o Yerusalem wesimbik, Peti ebe inom, obalik welagarek oba inom, neilenggen ha wesuageluk wo'narek wesigin aro. Andi nen he, peti ari ambotkwe kota fei lani o.


An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?


wene yi'nogo hilingisuageluk yagaisano iluk yaganetemo, iren he Tuhan Awi wurik a'nogo faget foget fakhikhi lagep. Hiren he hineilenggen kwelakhikhi logolik o ebe wuri'mo omanogo laga lagep, oba nen Tuhan nen At aiba andi emerogo mondogat weaget fagain. Nen hit hineisok erokwe mene inebe yenggerek oan meneba nen o Yerusalem yoma werek mene re weim yafi logolik inoasugun o, iluk igi.


Swiv nou:

Piblisite


Piblisite