MAZMUR 84:11 - Allah Wene Fano Wene Hupla Inane

^11-12 Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MAZMUR 84:11 Referans Kwoze

AMSAL 2:7

Afuni inobabut weak hilingiti'lek fanorogo welagaikharek mene inoba re, leberisigik, a'ma ferinarek welagik, ikherek.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

FILIPI 4:19

Nen, hit yi mene ti mene hinenggi lek were'ma, an neisena Allah fogeratirek mene Kristus Yesus inom hundik logolik enggi weregen fogeratarek mene a'nogo nen, wokhisugunem hinenggi werek asigin aro.

MAZMUR 85:12

O kweangma afuni nen inaberali agi'lek tiphogo nek hilingiri'lagwi mene andi re yi mene ti mene wuliferek higit lagagunem he, At Allah nen katokhogo hilingiterek mene a'nogo re pogoroba nen pelak ha wagarek.

AMSAL 10:9

Ap higithogo hilingiterek mene re ebe ailo legengge werek, oba nen ap labelogo hilingiterek mene re hobuk weinam agarek.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

AMSAL 28:18

Ap weak ekhe hilingiti'lek logogun mene andi re hobuk inagap telek logogun. Ap ineluk logolik weak enek hilingirik nikharek mene andoma re hobuk pule pugun.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

FILIPI 1:6

At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

MAZMUR 15:2

It afuni andi inebe re, weak hilingiti'legengge fano nek hilingiti logolik, inendawinggenma higithogo wenggelharek meneba, inane eberogo mene nek agarek mene inom,

YOHANES 1:16

Nen at obabut fano mondogen ninebe mondogat hobuk alep fanotninabi'logo.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

MAZMUR 119:114

We Harenat an nebikhit agik, hawe a'ma fetnarek welagik, hilingiti lagen, an he Haren wene watnisasigin mene omanogoba nek eberek welagi.

AMSAL 28:6

Ap enggi lek mene obabut higithogo werek andi mondok fano, oba nen ap inenu werek mene nen henarogo hilingiri'lagwi andi re mondok weak.

MIKHA 2:7

Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

GALATIA 2:14

A'nogo wulifukwama re, an nendawimo nen, ”Wene eberogoat, fano wene yi meneat he, it inobabut he, fano wene yagaisikhi logolik hilingisu mene hilingiri'lagwi lek higi,” iluk, afuni mondogat ineilhanem Petrus wene mel iluk yagatigi: ”Hat hebe Yahudi meneat he, afuni Yahudi mene hilingitarek hak hilingiti'lek, afuni endakwe mene nen hilingitarek hak hilingiti logoligat, it endakwe mene yagaisikhi logolik he, Hit hinobabut afuni Yahudi mene hilingitarek hak, inobabut waganogo hilingiti logoino, iluk ninghogo yagaisikhi lagen andi nenahalok,” iluk, fakhogo wenagetigi.

MAZMUR 84:9

Neisena Tuhan, Allah Homame Hokho mene, Allah Yakub eisena a'nogo hayonggo fikhi lagi andi, an nane hesanggo holin o.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

MAZMUR 47:9

Allah ebe re takhta hurek welagarek oba hore'ma omanogo logolik, yi afuni ti afuni inunggulenu lombok At awe a'ma fisaluk melalinafu werek.

ULANGAN 18:2

It ineisena Tuhan nen it inoba wene abok yagaisikhe higithogo, it faget he ineisena Tuhan Allah ebeat eiserogo were'ma re, it inagaila'lak fena inanggweang werek andi hakhogo logogun lek.