MAZMUR 84:10 - Allah Wene Fano Wene Hupla Inane

¹⁰ Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

MAZMUR 84:10 Referans Kwoze

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 63:2

Allah neisena, an neisena Allah re hat welagenma. Hat hebeat nendawi hundik logolik herakhabik nikhi lagi o. I nele nen inendawimo agesabu fulung hugunem welagaikharek hak, kweang amusu le'ma yoma logolik, an nendawinggen hat hoba ebethugu mondok welagi o.

FILIPI 3:20

A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

YAKOBUS 2:3

hiren at asu fano ugu kwi wesigin mene andi yagati logolik, ”Noe. Hebe e tale'ma fanoma ya hu'lasime,” iluk yagatik, nen at enggi lek mene a'nogo yagati logolik he, ”Nagot. Hat andem mendek logogin a? Neisok figiba o hulumo yoma hu'lakha wesigin a,” iluk yagatik, ikhi lagep halok he,

LUKAS 2:46

Pisukwasik, herarik inenggi pire nikhi lagaukwasigen, hobuk inenggi ekheba kwelakhasukwa re, at ebe Allah awi wuri'mo kwisikhesik, it ap Allah ane yagaisagarek mene inom inanggele'ma hurek logolik, it omanogo inane ugunem esanggo holhik, iren ugunem aren onggo igik, heinok wanhik, ugunem heratukwa.

2 TAWARIKH 6:42

Tuhan Allah neisena, ap raja mene yi herakfisa fuk. Nen, Haren hamingmingengge Daud oba hendawi hundik logolik, welagagin aple a'nogo ebethan o, neisena,” iluk samban isikhe.

MAZMUR 132:10

Hamingmingengge Daud alisikhogo re, Haren ap ekhe enupogot logouwagaluk, wenagaisogo menfesigin mene andi, obogerisigi'lek serogo mondok logoino.