MAZMUR 8:7 - Allah Wene Fano Wene Hupla Inane

⁷ Nen Haren yi mene ti mene o kweangma logogin mene elalhigin engge omanogo it inenggiba logouwageluk homame wogisasigin. Nen Harenat it inane hologo logouwagaluk, eisewerek fisasigin.

MAZMUR 8:7 Referans Kwoze

KEJADIAN 2:20

A'nogo oba waluk wagaikhemo, at ap a'nogo nen yi mene ti mene kweangma enggi lek mene inom, werek mene inom, sue tarogo pogotkwe nikherek mene inom, mondogat inenu salhikhe. Meneat he, at agailak hangge lebethikhi logogin mene ekhe welagaikhe lek.

KEJADIAN 1:26

Hobuk Allah nen he, mel isikhe: ”Niren afuni nit ninebe higit, ninobabut higit ekhe elal inabuogo. A'nogo elalogo fisamo iren, yi ikan ti ikan i laut yenggele'ma logogin mene inom, yirue-tirue pogot ebene tarogo nikhi logogin mene inom, yi mene ti mene eil ena mene eil polok mene ebe hokhondek mene inom magendek mene inom, kweanggwe pololangerik nikhi logogin mene inom, mondogat it inenggiba logouwageluk elalinabuogo,” iluk isikhe.

KEJADIAN 1:28

A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.