MAZMUR 79:9 - Allah Wene Fano Wene Hupla Inane

⁹ Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

MAZMUR 79:9 Referans Kwoze

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

2 TAWARIKH 14:11

A'nogo folhukwasik he at Asa nen eisena Tuhan Allahba samban ikhi logolik he yi'nogo isikhe, ”Tuhan Allah neisena, afuni inomame werek mene inoba re, it inomame lek mene re we Haren enek leberinafi lagenma re, yogondak Harenat nit lebetninabin o, nineisena. Nit he Hat hoba nek lomborogo logolik, Hat henuba, it ap inasikhe werek inap esa mondok hokho mene yi ninom weim yabuogeluk wulifi lago yi. Tuhan, nit nineisena Allah we Hat hamu welagenma re, Hat hebe afuni nen mabenet hobagagun lego, neisena,” iluk samban isikhe.

YEHEZKIEL 20:14

Oba nen he An nen nonggwarek nenu nalong palogo re, it ap inunggulenu lombogen An nen ap Israel mene o Mesir en woginarek wulibi wagunem neasukwa mene omanogo nen sebelogo nobagainogo iluk a'nogo hilingitigi lek.

YEREMIA 14:21

Haren nit wena'nisa fuk, Haren wene watnisasigin mene a'nogo ebethan o, Haren nit ninom wene wat-wat agagu mene a'nogo re leget fou fuk. Yerusalem takhta Hat hebe welagen oba haselek hombakbagen selegeratendek oba a'nogo re haren halitnorogo hilingfugun.

YESAYA 48:9

An na'mage lagali'logo mene sebelfuluk welagi andi re, An nenu hokho asuageluk hilingiti lagi o. nen hat heiloak leget hobagai nogoluk sebelogo fuluk welagirego.

DANIEL 9:19

Nane hesanggo holimbik he, nit weak hilingiti lago mene sagalogo herakfisano, neisena. Hat hawi kota inom, hagainafuri ninebe inom, At mene, iluk hat henu mene agarek andi nen he, hat habolok legat welagi'lek weak-weagat habolok in o, neisena,” iluk ayonggo figi.

YEHEZKIEL 20:9

Oba nen he iren afuni unggulenu it were'ma andoma mene nen An nenu weagerogo feinogo iluk An nen a'nogo hilingitigi lek. Andi re it inunggulenu andoma ineilhanem An nen nane menfikhi logolik, An nen unggulenu Israel mene andi re o Mesir en woginarek wulibi lagain o, iluk nane menfesigi.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

MAZMUR 31:3

an nane hesanggo hol haluk he, weak-weakhogo nek fikhalogo nobagain o. Hat hebe re an nagap telogo hina'laguba, tom helep eil silipnorek mene hak hilingnarek welagen.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

MAZMUR 115:1

Nineisena Tuhan nit ninebe hendawi nen, hoba lombokhogo fetninarek welagen andi nen, nit afuni fogetninabu lek hak, We, hat hamuat fogethafi logogun.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.

DANIEL 9:9

Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.

YEHEZKIEL 20:44

An nen ambi An nonggwarek nenu nalong palogo iluk hit a'nogo hilinghinobagagin halok, nen hit hinobabut hilingiti lagagip mene inom, hit hineluk weak meneba logolik hilingiti lagagip omanogo inom, ambisangma higithogo iluk hilinghinobagagin lek. Andiba re hit afuni Israel mene nen he, An Tuhan a'nogo hinelu asugun. Iluk An Tuhan Lego mondok welagirek mene a'nogo nen nane mondogat igi o, ikhe.