MAZMUR 79:4 - Allah Wene Fano Wene Hupla Inane

⁴ Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

MAZMUR 79:4 Referans Kwoze

MAZMUR 80:6

Haren he nit ninamburu nahak he, le aga lago mene andi wo'nisigik, nen ninagai nahak he nineilamusu mondok hokho pokhorogo waga logouwageluk hilingninobagagik, ikhi lagen.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

YEHEZKIEL 36:15

Ekhe inom, kweang ariba nen, it inunggulenu mene omanogo nen puliarinafik, li'norinafik ugunem holhi logogun mondok lego. Kweang yiba nen, afuni kweang ariba werek mene inoasugun legaro. Iluk An Tuhan Lego Mondok welagi mene a'nogo nen nane mondogat igi o,” iluk ikhe yagaisano, yaganete.

YEHEZKIEL 36:3

Oba nen he An Tuhan Lego Mondok welagirek mene nen hat hoba wene fikhi lagi mene yi menfeino: It yi afuni ti afuni inunggulenu inap haningisogo werek mene andoma nen inomame lek hilingisogo fisaluk tomkwe omanogo teligik, Israel mene puliarinafik, hilingiti lagaikha.

YEHEZKIEL 35:12

Andiba re, An Tuhan a'nogo nen hiren hinane weak mene ugunem andoma An mondogat holhi lagagi hilingi'mo re ambisangma hirogo hinelu asugun, hit hinane ikhi logolik, tom-tom Israel oba omanogo mondogat ap inareng lek agaikha o, nit ninenggiba nen mondogat inoato, iluk ikhi lagep.

RATAPAN 5:1

Tuhan neisena, nit ninoba hilinglaga mene ari faget futninobagain o, nit mondogat sebelek mene hangge agosik welago mene yi faget heilenggen wo'ninabin.

YEREMIA 42:18

An Tuhan, afuni Israel mene ineisena Allah a'nogo nen na'mage lagagunem, nanini hokho mene aga lagaikhe mene a'nogoba afuni Yerusalem mene inoba fesigi hak, hit o Mesir logoin mene hinoba ogore An nen andi higirat hinoba fagain o. Afuni nen inamel-melhogo nek kwelakhisikhi logogun. Hit he litnot hinobagakhi logolik, hinenu re afuni homan ikfisagarek mene iluk salogo yagahisikhi logogun. Hit he hinanggweang hinamep pisikheba yoma ekhe hogoin lek ikhe o,’ iluk yagaisigi.

YEREMIA 25:18

Yerusalem inom, o Yehuda ba nen kota abirengge andoma inom, ap raja-raja inom, kaindek yabu legoma hilingitarek inap inom he an nen anggur agai a'nogo noageluk wogisugunem nunggunem he it inebe re lei mondok pirimhogo esi lek andi higit aga lagaikha. Nen, yogondak huli nen he it inenu igisogo aben homan fisagarek.

YEREMIA 24:9

An nen mondogat wil-wal hambik inebe alomat fisamo re yi afuni ti afuni o kweangma welagaikharek mene mondogaren he inailoti logogun. O it loageluk hilingfisagain oba andoma lagunem he afuni nen it faget puliarinafik, endo yagaisogo pelaginafik, sebelfisigik, hilingiti logogun. Aben homan ikfisikhi logolik he it inenu hombuk palogo ikhi logogun.

MAZMUR 89:41

At awi kota leget pa'leget wurik mene a'nogo meisalogo lakfisegen. Kat oba leget uan wurik mene a'nogo meisa'lambukhogo lakfisegenat.

NEHEMIA 2:19

A'nogo fesukwama, it Sanbalat inom, Tobia inom, Kesyem aiba Arab mene a'nogo inom, inesanggo holhukwasik, wagaukwasik endo ya'ninafik, inane asegen wo'nisigik, ikhi logolik, ”Hit ninggi'nogo hilingisuogeluk hilingiti lagep? Ap raja andi ninabit, iluk folim hibisuogeluk hilingiti lageba?” iluk yaganisasukwa.

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

ULANGAN 28:37

O kweang At hineisena Tuhan nen nalek-falek hinobagagin oba andoma nen he afuni nen inamel-melhogo ineil kumuthisikhi logolik he pilibethinafik, endo yakhinafik, hilinghinafi logogun.

NEHEMIA 1:3

Heinok a'nogo wogisasigimo, iren he, mel yaganetukwa: ”Afuni Yahudi mene o Babel wo'ninarek wagaukwa mene hobuk inambotkwe inawi eroma lagaukwa mene omanogo re, yogondak ap pok mene inanggelekwe werek mene omanogo nen yi enggin ti enggin inoba figik, inendawimo wiik-weakhogo hilingfisigik, ugunem mondok weakhogo werego. Nen, endamat o kota Yerusalem leget pa'leget wurik welagaikhe mene meisak lambukhogo lakfisigik, kwe ebekwe leget pa'leget ambe palek mene endu nolhik, isukwa mene omanogo hobuk agauak hilingiti'lek mondok meisalegat werego, noe,” iluk yaganetukwa.

YESAYA 43:28

ap An eisewerek mene nen An nawi wuri'mo omanogo emerogo figik isukwa andi. Ma re, hit afuni Israel mene it ekhe nen inendawimo seramet hinobagauwagaluk inenggiba hinobagagik, hit Yakub en tagomangge mene yi hinebe mondok legethinabuageluk herakhinobagagik, igin andi o,” iluk ikhe.

YEREMIA 51:51

Hiren ikhi logolik,” Nit he afuni nen wena'nisikhi logolik, ninenggali warogo hilingninabi'lagwi o. Nit he Tuhan awi wuri'mo senggelek horek meneba omanogo re ap pok mene hu'lasi kwagama re ninelokhe enggali aga o,” iluk ikhi lagep.

RATAPAN 1:11

O andiba afuni werek mene re, inane yabul watu logolik nunggu mene herakhili'lagwi; Nit wa'lago hanogo iluk ineluk logogun mene faget he, it inangge onggo hokho meneba palharek mene omanogo re iren we roti inom awari'lagwi. Yerusalem en humeti logolik, ”Tuhan neisena, an heilenggen nean o, an enggin-fenggin hikhi lagi mene yi kwela'nean,” ili'lago.

YEHEZKIEL 22:5

Haren hundik-handik wene melalek inom, yi'nogo ti'nogo hilingi'no iluk melalek werek mene inom, sagalhu mondok welagen andiba re afuni o kweangma yatkwe-yatkwe werek mene nen inom, horok-horokwe werek mene nen inom li'nothafi logogun.

ZEFANYA 3:18

Hit hinobaget Aren he, afuni seni isati logolik hilingitarek hak, wuni agaiyegoba wari'lago. Tuhan nen ikhi logolik, ”Enggin fenggin hit hinoba asi weri'lago mene andoma An nen waganogo herakfisagain o. Nen, it ekhe nen at andi re yiginik-tiginik iluk weaget hinobagali'lagwi mene andoma re An nen horogo herakfisagain.

ZAKHARIA 8:13

Yago, hit Israel hinap inom Yehuda hinap inom yoma sani! O attak-attak andoma nen engge it ap pok mene nen inane homan ekhe nen ekhe inoba figik, ekhe nen ekhe inoba figik hilingirik wagunem, ’It Yehuda mene inom, it Israel mene inom inoba enggin-fenggin agaikhe mene andoma hakhogo hat hoba ogo a'nogo aga logouwak!’ ikhi lagaukwaba nen, An nen hit telhinabumo it ap pok mene andoma nen ikhi logolik, ’It Yehuda inom, Yerusalem inom inoba fanotfisili'lago mene andoma hit hinoba ogo a'nogo hilinghinobagakhi logouwak! Ikhi logogun,’ iluk ikhi lagaikhanggere hiren hinailo agi'lek hinendawinggen hambukhogo logoni o!” ugunem holhi.