MAZMUR 78:6 - Allah Wene Fano Wene Hupla Inane

⁶ A'nogo isikhe andi re, it hobuk ta'lasugun mene nen ogo At ebe inelu nek logolik, Iren inagainafuri taginabugun mene inoba yagaisilik laga logouwageluk, isikhe.

MAZMUR 78:6 Referans Kwoze

MAZMUR 102:18

It afuni At againafuri mene inebe mondogat inomame lek a'luk werek mene nen, At Tuhan oba samban agarek mene re, Aren mondogat esanggo holherek. Iren kino yagatarek mene re Aren nabit iluk herak fisikherek lek.

YOEL 1:3

Wene hilinglaga mene andi faget, hit hinagainafuri inoba pilingisogo yagaisani o, Nen iren ogo it inagainafuri taginabugun mene inoba pilingisogo yagaisikhi logogunat. A'nogo yagaisugunem inelu logolik, iren hobuk inagainafuri ta'larik laga logogun mene wene andi yagaisilik mondok laga logogun aro.

MAZMUR 145:4

It afuni hobuk ta'larik laga logogun mene andoma nen he, Haren ekhe mene ekhe mene hilingitigin mene andoma faget fogothafik, Haren elalin hilingisu lek mene hilingitigin mene andoma faget fakhogo yagaisigik, ikhi logogun.

MAZMUR 90:16

Haren ekhe mene ekhe mene mondok hokhorogo hilingitigin mene a'nogo nit hamingmingengge mene yi ninoba inuk nisikhi logoino o. Nen Hat homame hokho mene a'nogo re, niren taginabugun mene ineilenggen hikhi logouwageluk weinamet fikhi logoino aro.

MAZMUR 22:31

It hobuk logogun mene nen he, Tuhan faget enek hilingiti logogun. Iren he, iren tagongge mene inoba, At ane yagaisilik laga logogun.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 48:13

Nen o Sion andi haningisogo kwelakfuluk he, o andi masetik, nen maseti logolik he anum-anum waganogo wurogo liabek mene andi ebe miren iluk wenatik, ino.

ESTER 9:28

Andi nen ekhe melalfisikhi logolik he, ”Linggene Purim andem he afuni Yahudi mene nen eberek mondok logolik he ap Yahudi mene ineisok erokwe lombogen inom, nen afuni ekhe wagik ekhe wagik wesugun mene nen ogo re o kota kwe inom, o propinsi kwe inom werek mene nen ogo eberek mondok logolik hilingiti logogun o,” isukwa.

ULANGAN 4:10

Hit hinebe nineisena Tuhan Allah elokhoma tom Sinai a'ma andoma mendek were'ma, andemat aren he, An yi'nogo yaganetikhe anggigi: ”It afuni Israel mene inebe ineluk logolik, An nane hologo hilingitik, it inagainafuri nen An nane hologo hilingiti logouwageluk yagaisigik, uageluk An nen hat yagahetunem inesanggo holuagen he, inebe andogorogo fisan o,” iluk yaganetikhemo andoget hinafigi anggigi.

KELUARAN 10:2

Nen, elalin mene a'nogo hilingiti logolik, afuni Mesir mene lalinafi lagi mene andi, hiren tagomangge mene hinombalak yagaisugunem futfembik, hit mondogaren, nit nineisena Tuhan At amuat o, iluk futfikhi logobagaigen iluk, at raja agoromi inom inendawinggen haro mene hilingisogo fikhi lagi andi,” iluk yagatikhe.