MAZMUR 77:3 - Allah Wene Fano Wene Hupla Inane

³ An noba nonghonghogo logolik At Allah ba samban ikhi lagi, nenggi senap higi'lek At oba liabek mondok welagi, oba nen he nendawimo kon nobagali'lago lek.

MAZMUR 77:3 Referans Kwoze

MAZMUR 61:2

Neisena Allah an nane kwetu welagi mene yi hesanggo holin o, Nen an nen samban ikhi lagi mene andi fut nobagakhi logoin o.

AYUB 31:23

Allah nen wene noba fagain andi nailo nen he, a'nogo hilinginafirek lego.

RATAPAN 3:39

Ap weak hilingitarek onggo unggum wogetu kwelek, nenahalok limamit falhu mondok werek nogo?

YEREMIA 17:17

Hat hebere an enggin mene noba agunem hawe a'ma nobagaguba welagen, Hat he an nendawimo nailothafu mene asu fuk.

MAZMUR 43:5

An nendawimo warikhi logolik, fenggekhugu mondok logogin andi re nenahalok nogo? Haren telnabigin iluk hoba eberek logogin. A'nogo telnafunem hobuk neisena Allah telnafendek mene hai wathafik, fogethafik, iginat anggikhi lagi o, iluk wuni watikhe.

MAZMUR 42:11

It naselei mene nen, an hundik-hundik yaganeti logolik he, ”Allah haren fogerati lagen mene a'nogo koma werek?” iluk yaganetu mondok were'ma re, an nendawinggen warikhi lagi o.

MAZMUR 42:5

O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

AYUB 7:11

Andiba re, an nane legengge logou lek hak! Nendawimo heiseli'lago mene inom, ale palerogo hikhi lagi mene inom arem faget he sebelha mondok elo'lek agunem he, an nane wulagaisogo nendawimo anggikhi lagi mene andem wulakfisa waga lagi andem.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

RATAPAN 3:17

Fanorogo welagaikharek mene inom, inagaiyek hagarek mene inom, inendawinggen serogo welagaikharek mene inom mondogat nonggoragama welagi o.

KEJADIAN 37:35

A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.

AYUB 15:11

Niren he At Allah enuba ninendawi sakhorek logolik fanorogo yagaheti lago, oba nen he At Allah nen hendawimo konogo yagaheri'lago mene andoma wanu mene re nenahalok habit sek welagen?

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

KIDUNG AGUNG 3:1

O hubanggo an nebe nogokhi logolik nabi wokhugunemen he, an nendawi hundik mene a'nogoba heratunem hikhi lagiba nen we alomarogo nek hikhi lagi o.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.