MAZMUR 72:8 - Allah Wene Fano Wene Hupla Inane

⁸ Nen o kerajaan at ebe logolik a'ma ferinarek logogin kwe re i laut ekheba nen laut ekheba andoma hilingik logouwak, nen, o mo wulibi wagarek fikhiren he mo ubuk ikherek huli andomaba wialarik laga logouwak, neisena.

MAZMUR 72:8 Referans Kwoze

ZAKHARIA 9:10

An Hineisena Tuhan nen ikhi logolik, ”It Efraim mene inanggo kuda andoma re An nen hugisagain o, o Yerusalem oba inanggo kuda andoma re, An nen mondogat legetfisagain, nen, inasikhe andoma mondogat lilibukhogo lakfisagain. Hit hinoe raja andi nen ap inunggulenu mene inanggele'ma andoma fano liokhogo welagaikharek mene faget wene menfagain o. I laut ekheba nen ekheba andoma At omame a'ma nek ferinarek logogin, nen, i Efrat ima nen he, o kweang wurep kobokhogo andoma huli re At enggiba nek logogin.

KELUARAN 23:31

O andoma hit hinanggweang eise asumo logobagaigeluk An nen huli-huli watfesigi menere; I Laut Teberau nen pikhit I Laut Filistin oba nen o leimo afuni le'ma andoma nen i Efrat huliba andoma. Afuni kweang andiba werek mene andoma hiren mugisogo wulak fisoageluk An nen hit hinomame wokhisamo, hit hinebe kweang andi helikhi logolik andoma hiren it mugisogo wulaginabugun.

MAZMUR 89:25

An nendawinggen at oba hundik mondok logolik, oba lombokhogo mondok logogin. Omameba ferinarek mondok logouwagaluk he, An nen ekhe inom omamet fikhi logogin.

MAZMUR 80:11

Anggur andi ebe e hangge lagaluk he, afumagengge nen tom mondogat salogo figik, agolerogo handogalhigik lagaresik he, e aras hokhondek mene mondogat sebelogo figik, ikherek.

MAZMUR 2:8

Haren kino yaganetunem he, yi afuni ti afuni inunggulenu lombok andoma Hat wokhesigin o. Nen o kweangma mondogat andi re Hat honggwarek hangge mene asigin o.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

MAZMUR 89:36

Mondok-mondok logogin mene faget nane misigam igi yi re, neranen wene Daud yagasigin lek iluk, nonggwarek nenu horek mene a'nogo hombuk palogo igi o.

1RAJA-RAJA 5:1

It afuni Tirus mene inoe raja Hiram andi re at raja Daud inom hundik welagaikhe. Welagaikhesigen hobugen at Daud obali'mo re Salomo menfagama werego isukwama holhikhesik he aren agoromi at Salomo were'ma lakfisa wagaikhe.