MAZMUR 72:15 - Allah Wene Fano Wene Hupla Inane

¹⁵ Hat raja re, Heluk mondok logoino o, iluk yagati logouwak. Ma re, at were'ma re emas o Arab mene andoma fisaluk wogosi waga logouwak. At obaget he linggene hundik-handik samban iginafu mondok welagik, fanoabet fisikho welagik, ikhi logouwak.

MAZMUR 72:15 Referans Kwoze

1RAJA-RAJA 10:14

At raja Salomo re tahun hundik-hundik oba re, afuni nen emas 23.000 kilogram hangge wogosi wagunem helikhi lagaikhe.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

1 YOHANES 1:2

Nen, at eluk mondok welagarek mene andi, ebe eisena emberek eluk mondok welagaikhesigen, eisena nen nit nineilenggen hoageluk weinamet fesikhemo nineilenggen hasugusigenat abok yagahisikhi lago o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.

1 TESALONIKA 3:11

Nit hobuk hinoba wesugun en he, nineisena Allah onggwarek inom, ninoe Enupogot Yesus inom, emberegenat kwe higithogo ya'nisoak.

FILIPI 2:11

A'nogo kuluk, inambeba lombok nineisena Allah fogerati logolik he: ”Ninoe Enupogot Yesus Kristus andi aro,” iluk, fakhogo ugunat andi.

YESAYA 60:6

No unta o Median inom Efa inom omanogo mene nen he o haren ferinarek welagen kwe andoma huli'lipsek logogun. O Syeba nen he afuni nen no emas inom, kemenyan inom waluk waga logolik, Tuhan nen hilingiri'lago mene omanogo faget fogerasi wesugun.

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

MATIUS 21:9

A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.

MATIUS 2:11

Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 45:4

Hat ap raja handungdang werek hagun yi re, henggarok halugagiba kelan o, nen hat hebe mondok lego logolik elalin agun welagen!

MAZMUR 21:4

Hat hebe waga logolik hangge yi mene ti mene at oba fanot fei wagik, at ungguloba kware-kware emas oba hilingik engge puget fei wagik, isigin.

2 TAWARIKH 9:1

Afuni Syeba mene inagaisa he ratu a'nogo nen esanggo holhugunem en he, at Salomo abok fano laga lagaikhe mene a'nogo holhikhesik he, wene heinok u elo'lek mene Salomo obabut palogo heinok wokhagain iluk o Yerusalem wagaikhe. Waga logolik he, aren ap esa logalek inom, wam unta ba re yi mene ti mene amben-ambenenggeba ambenhogo isatu mene mondok peterogo liabek engge omanogo inom helep enu permata inom, emas hokhorogo inom, waluk wagaikhe. He a'nogo wagaikhesik at Salomo inom ambit agaukwasik wene yi wene ti wene hokhorogo at Salomo nen wenggelu higit mene heinok wanhikhe.

1RAJA-RAJA 10:10

At he kain ratu aiba Syeba mene a'nogo nen a'nogo yagatikhesik, emas 4.000 kilo nen inom, helep enggen hombonundek onggo hokho mene, enu permata ebe mondok hokhorogo inom, yi mene ti mene amben fano mene inom, wogotikhe. Yi mene ti mene amben fano mene, he ratu aiba Syeba mene andi nen mondok hokhorogo at Salomo wogosi wagaikhe andi hangge hobuk it ekhe nen a'nogo ekhe wogosi waga lagaukwa mondok lek.