MAZMUR 72:12 - Allah Wene Fano Wene Hupla Inane

¹² Andi re aren afuni nen yi enggin ti enggin inoba fugunem inamu nen hilingisu elo'lek mene omanogo fikhalogo fisigik, afuni inenggi lek logolik at oba yagatarek mene omanogo fikhalogo fisigik, ikhi logogin.

MAZMUR 72:12 Referans Kwoze

AYUB 29:12

An nen he it ap inenggi lek mene nen lebetninabin ugu halok leberinafik, it yenggerugwi suarek mene afuni nen leberinabu lek mene re an nen leberinafi lagagi.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

MAZMUR 10:17

Tuhan neisena, Haren he it afuni weaget fisagarek mene omanogo nen samban ugu mene re inane hesanggo holfuluk it inendawinggen hambuget fisikhi lagen.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

YESAYA 41:17

O andem sambul he ap inenggi lek mene inom enggin-fenggin hagarek mene inom i herati logogun mene re, inelokhoma aga logogin le'ma re, inagai nele nen inamelinggen pukhogo logogun. Oba nen he iren An nenu hombuk palogo yaganetu halok he, An hineisenaTuhan nen inane onggo yagaisikhi logogin. An Israel mene ineisena Allah a'nogo nen he, nagainafuri herak fisaluk laga logogin mondok lek.

MAZMUR 72:4

At raja nen he afuni inenggi lek mene inangge faget ili wanhi logouwak, nen aren it afuni inelagaik mene inom athe afuni sebelogo fisagarek mene omanogo mondogat leget fisigik, ikhi logouwak.

LUKAS 7:22

Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.

MAZMUR 102:20

At Tuhan ebe obalik mondok hore'ma legoma po'lima logolik, eil pelakninarek werek, o pogoroba po'lima nen he kweangma yoma pelakha wagaresik,

1 SAMUEL 22:2

Nen, it fena enggin-fenggin inoba fugu mene inom, inangge palegengge werek mene inom, it fena inendawimo anggagarek mene higithogo hilingiri'lagwi lek iluk agarek mene omanogo inom, at Daud oba andogosi wagaukwasik, Daud ebe it inoe melalinafu mene faget werek kwelek welagaukwa, nen it Daud inom nikhi lagaukwa mene re inebe seberogo 400 nen hakhogo welagaukwa.

2 SAMUEL 14:16

An hamingmingengge nen anggikhi logolik he, noe haren an nane holfuluk an hamingmingengge nebe inom, an nagainafuri inom ninoasugun iluk hilingitu hobalhu werek mene andomaba nen ninagap telninabigin anggikhi lagi. It andi nen he nit kweang At Allah nen againafuri faget iluk wogisasikheba omanogo nen pugulogo wulak ninobagauwogeluk wenggelhasik hilingiri'lagwi.

AYUB 36:15

At Allah nen he it afuni inoba ou hagarek andi bene yanggulinafik, inoba enggin-fenggin hagarek andi bene inendawinggen hebel fisigik ikherek.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

AMSAL 29:7

Ap fano mene nen he it ekhe maben mene inangge re it inangge iluk elu welagarek, oba nen he ap inaniniba hilingitarek mene nen he it inangge iluk penesu lek hak.