MAZMUR 71:8 - Allah Wene Fano Wene Hupla Inane

⁸ An nen he hundik-handik Harenek fogethafu welagi o, nen lingge inukhogo re Hat hebe hanggiluk welagen mene a'nogo fogethafi lagi o.

MAZMUR 71:8 Referans Kwoze

MAZMUR 35:28

Andiba re an nen Haren katokhogo nek hilingiti lagen mene omanogo faget fagesi lagik, nen lingge inukhogo Harenek fogethafu welagik, ikhi logogin o,” iluk samban isikhe.

MAZMUR 146:2

An nebe neluk logolik oba re Tuhan enek fogerati logogin, nen an nebe logolik oba re neisena Allah faget wuni wati logogin.

MAZMUR 104:1

Allah neisena, an nendawinggenma nen fogethafi lagi. Neisena Allah Hat hebe esin mondok mene! Hat hasu laberek logou hak he, Hat hombakbak hilingik welagen mene inom, hebenengge li'loukhogo welagen mene inom, andomaba hilingik welagen, nen Hat hebere haselegen huli'liphogo welagen.

MAZMUR 71:24

Afuni an weaget nobagauwogeluk hilingiri'lagwi mene omanogo mondogat inomame lek agaikhasik inenggali agama re, linggene inukhogo Haren katokhogo nek hilingiti lagen mene andi faget fagetu mondok logogin o.

MAZMUR 71:15

Haren katokhogo nek hilingiti lagen mene faget inom, inenggi wenasu elo'lekhogo telninafi lagen mene faget inom, an nen linggene inukhogo tindelhu mondok welagirego.

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

MAZMUR 96:6

At ebe re andungdang oba inom ombak-bak oba inom huli'lipsek, At ailoba re omame nen inom alilingge nen inom lik loukhogo hilingik.