MAZMUR 71:14 - Allah Wene Fano Wene Hupla Inane

¹⁴ Oba nen he, an enek he Hat hoba nendawinggen eberek mondok logolik, Hat hobaget ekhe inom hokho pokhorogo fogethafu welagirego.

MAZMUR 71:14 Referans Kwoze

MAZMUR 130:7

Hit afuni Israel mene hineisena Tuhan nen endawi hundik mondok logolik, telninafu mondok welagarek andi nen he, ”Nit hobuk telninabigin,” iluk, serogo mondok logouwok.

1 YOHANES 3:3

Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.

RATAPAN 3:26

Enggere Tuhan nen nit lebetnisa wesigin iluk nenangorogo logolik hambuget fakhaluk logogun fano.

MAZMUR 71:6

An nebe ta'lagagi huli nen engge re Hat henggi agut obaat fetnarek welagen o, an nebe neluk logolik oba re nendawinggen Hat hoba himbirik logolik he, Hat enek hundik-handik fogethafu welagirego.

MAZMUR 43:5

An nendawimo warikhi logolik, fenggekhugu mondok logogin andi re nenahalok nogo? Haren telnabigin iluk hoba eberek logogin. A'nogo telnafunem hobuk neisena Allah telnafendek mene hai wathafik, fogethafik, iginat anggikhi lagi o, iluk wuni watikhe.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

RATAPAN 3:21

A'nogo hilingik welagiba nen he an nen wene ebe ero ekhe yi ebetlasi wagu sambul he, an nendawimo eberek mene a'nogo weinam ari'logo:

FILIPI 1:9

An nen samban hit hinobaget ikhi logolik, mel ikhi lagi: ”Yi mene ti mene awi yatunem ero hokho a'luk wuliferek hak, hit ebe wene furogo hinelu agik, fut figik, ikhi logolik, afuni inebe hinendawirogo welagep andi mene hokhorogoat hinendawirinafi logobagaigen,” iluk, samban ikhi lagi aro.

1 TESALONIKA 4:10

Hit hinerugwi hinagaila'lak o Makedonia tongge mene mondogat a'nogo hinendawirinafi lagep meneat he, nerugwi nagaila'lage. Hobuk hokhorogoat hinendawirinafi logobagaigeluk, hit komorogo yagahisasugu andi.

AYUB 13:15

An nen nendawinggen mondok warikhi logolik he, a'nogo hilingisigin anggigirik hilingiti lagi. Nen, At Allah nen an pinggi noasigin anggili'lago halok ogore noasuageluk herakfagain, oba nen he an nobabut hilingiti lagi mene faget he, At elokhoma andoma nen ogo nalong palagain.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

RATAPAN 3:24

Tuhan andi re an nonggwarek nangge we misik masik enek engge hilingi'mo re At oba nek nendawimo eberek welagi.

RATAPAN 3:25

Tuhan he afuni At oba eberek welagik, At ebe heratik, agarek mene andi re inom fano.