MAZMUR 7:9 - Allah Wene Fano Wene Hupla Inane

⁹ We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

MAZMUR 7:9 Referans Kwoze

YEREMIA 11:20

A'nogo ikhi lagaikhama An nen Tuhan oba samban ikhi logolik, ”Tuhan neisena, Hat Homame Hokho mene, Hat he wene fano ayo wurogo tegetendek mene welagen. Afuni nen anggagarek mene inom wenggelharek mene inom obabut palhendek mene re neisena Harat welagen. An nawene noba mene yi re Hat henggiba fikhi lagi o, neisena. We Haren erenat afuni andoma inoba ambisangma hilingfisugunem heagain o neisena,” iluk samban isigi.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 20:12

Oba nen Tuhan neisena, Homame Mondok Hokho mene, Haren he mondok katokhogo nek afuni inobabut palisikhi lagen. Iren inendawimo anggili'lagwi mene inom, eberi'lagwi mene inom andoma re Hat mondok helurek. Andiba re Tuhan neisena, an nawene re Hat henggiba figiri'mo re, Haren naselei mene andoma inoba ambisangma hilingfisugunem isayogen he, neilenggen isoageluk hilingnobagain o.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

MAZMUR 139:1

Afuni nen wuni wulak fuluk inebe seberogo ugunem yanggulinafarek mene faget, at Daud awuni. Tuhan neisena, Hat he an nebeba futnobagaluk, an nebe helu mondok welagen.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

MAZMUR 37:23

It afuni nen yi wene ti wene Allah endawimo amolo anggikherek mene hilingitunem oba liok ikherek mene nek he, it hilingisugun mene Aren mondogat wenagaisogo fikherek.

MAZMUR 26:2

Tuhan neisena, an nebe hilingik welagi mene nobabut palnabin o, An nendawimo namolo anggikhi lagi mene inom, wenggelhi lagi mene inom, pilingisogo kumutnean o.

MAZMUR 11:5

At Tuhan nen he afuni weak hilingitarek mene inom, fano hilingitarek mene inom inobabut palherek, nen afuni inobaharoba hilingitarek mene andi re Aren he mondogat abit isikherek.

MAZMUR 10:15

Afuni weak hilingiri'lagwi mene inom, Hat hane sagalogo fuluk hilingiri'lagwi mene inomen, inomame werek iluk hilingiri'lagwi mene andi re Haren it inomame lebeleget fisan o. It inobabut hilingiri'lagwi andiba Haren wene inoba foumo re it inebe ekhe weinam asugun lego.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

MAZMUR 17:3

Nen Hat hebe o hubanggo an nambit we'luk, an nebe hilingik welagi mene kwelakniigik, nendawimo nobabut palnafik, hilingisumo nen he, an nen nane ikhi lagi mene andoma re nendawimo nen wenggel hikhi lagi mene nek ikhi lagimo re, ap yi mondok higithogo nek hilingiri'lago mene iluk futnobagau hago.

MAZMUR 58:6

ap hareise mondok hibilik hebelek inap omanogo inane ogo, athe it heinogenggeba hakhogo weneane mati logolik agarek mene ogore inane esanggo holherek lek a'nogo hak werek.

MAZMUR 10:18

It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

DANIEL 11:45

A'nogo hilingisimbik aren he kerajaan andiba o tenda re i laut en hilingi'luk, tom o Tuhan awi wuri'mo nen hilingi'luk tulem andoma wusigin. Oba nen hobugen he, at ebe wa'lasumo re ap misigen iluk ogo ekhe lebethogoin mondok lego,” iluk ikhe.

MAZMUR 40:2

An nendawinggen hambuk haluk logolik Tuhan nen lebetnabi wesuageluk nenangorogo were'ma, Aren an nebe fut nobagagik, nane esanggo holhik, ikherek.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

KEJADIAN 20:5

At Abraham onggwaregen ikhi logolik he, he ari re an nagot ikhe, nen at he andi onggwaregen ogo re, an he Abraham agot ikhe andi nen he, wene andi faget an nendawinggen fanoba weak hilingiti fuk iluk anggikhi lagi o,” iluk yagatikhe.

1RAJA-RAJA 8:32

hamingmingengge mene wene andi pilingitunem Hat hebe pogoroba logolik inane hesanggo holfuluk he, wene andi tegeti logoino o, neisena. A'nogo tegeti logolik, it ekhe weak hilingisugun higithogoat wene inoba fikhi logolik, it ekhe weak hilingiti'lek mene halok he, wene inoba koti logoino o, neisena.

MAZMUR 9:9

Aren he it afuni inunggulenu lombok omanogo katokhogo nek melalinaferek, nen it inebere inawene ayo palogo pilingfuluk mondok higithogo nek tegeterek.

MAZMUR 18:21

An nobabut oba eberogo mene nek hilingiti lagimo re At Tuhan nen onggo higithogo nek hilingnobagali'lago, nen an weak mene ekhe hilingiti lagi lek andi nen he Aren an fanotnobagali'lago.

MAZMUR 35:23

Tuhan Allah an neisena, Hat hebe menla'luk he an nawene yi faget nebikhit ame o, an lebetnabin, neisena!

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.