MAZMUR 7:8 - Allah Wene Fano Wene Hupla Inane

⁸ Andi re it afuni inunggulenu ekhe mene ekhe mene Hat hera'lukwe maserogo werek mene andoma misi'mo kaboget fisaluk he, Hat hebe welagen oba pogoroba andoma hurek logolik he it inebe Hat ha'ma ferinarek logoin o.

MAZMUR 7:8 Referans Kwoze

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

MAZMUR 78:72

At Daud en he endawimo mondok fano logolik melalinafi lagaikhe, nen obabut hibilik-hebelekhogo nek halinafi lagaikhe.

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

MAZMUR 41:12

Nen an nebe it naselei mene nen mabenet nobagagu lek halok he, andiba Haren an hendawi hundik hilingnarek welagen mene a'nogo nelu asigin o.

MAZMUR 26:11

Oba nen an enek he nendawimo mondok fanorogo welagimo re, hendawi hundik nabimbik he fikhalogo nobagain o.

MAZMUR 25:21

An nen Hat hoba nek nendawinggen eberek welagimo re, we Hat hobabut fano hilingnafi lagen mene andiba inom higithogo nek hilingiti lagen mene andiba inom an kagalnarek logouwak.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MAZMUR 9:8

Meneat he, At Tuhan he Lego mene logolik melalinafu mondok logogin. Aren afuni kweangma mene mondogat inawene pilingisogo katoget fuguba faget obalik takhta a'nogo wurogo fikhemo werek.

2 TAWARIKH 20:12

Nineisena Allah re, we Hat hamuat! Nit he niren hilingisu elo'lek mene nek agama re, Haren lebe'nisan iluk Hat hambit wagoma re, niren ap tentara hokho-pokhorogo andoma nen nit noasuogeluk hilingitunem nit he ninomame legen he, haren it unggum wogisan,” iluk samban isikhe.

KEJADIAN 31:53

A'nogo isikhesik ekhe ikhi logolik, ”Allah nit ninomba Abraham inom an neisena Nahor inom apne wanhi lagaukwa mene a'nogo nen enek ayo wutninafi logogin,” iluk yagatikhe. Yagatikhemo at Yakub en, ”An katokhogo hilingiti logogin,” iluk, Allah eisena Ishak en apne wanhi lagaikhe mene a'nogo enuba hombuk palhikhe.

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

AMSAL 19:1

Ap kembu mene nen ineranhogo wene lalinafu welagaikharek andi re mondok weak, oba nen ap enggi lek mene nen eluk higithogo werek andi nek he mondok fano.

MAZMUR 82:1

Asaf Awuni. At Allah nen pogoroba andoma wene it legoma werek mene inom kabogetasik he, Aren wene yi'nogo tekhogo menfikhe.