MAZMUR 69:7 - Allah Wene Fano Wene Hupla Inane

⁷ Neisena Allah, Hat hebe esin mondok mene, Haren he, yi mene ti mene hilingisu hak enek a'nogo nen he, ero an weak oba hagainafuri inendawinggen hoba himbirik welagaikharek mene inenggali asinogo o. Nit afuni Israel mene nineisena Allah fogethaforek mene it ekhe mukharek wagaikharek mene ero an weak oba nen, inenu weagetfegen hanogoluk hayonggo fikhi lagi o.

MAZMUR 69:7 Referans Kwoze

YEREMIA 15:15

A'nogo ikhemo an nen ikhi logolik, ”Tuhan neisena, Haren futnobagain o, futnobagambik he noba ebetnean o. Nen it afuni an mu'niikhi logolik sebelogo nobagali'lagwi mene andoma re it inenggi ambisangma inebe inoasin o. Haren sebelhikhi logolik were'ma nen an noasugun andi re elo'lego. Hat henuba re an li'norogo hilingnobagali'lagwi mene andi wenggel hano.

YESAYA 50:6

Ap an yei noari'lagwi mene andi nambot wogisaluk, nelokhenggen he ap nomboro lit hili'lagwi mene omanogo wogisikhi lagi. Aben li'norogo hilingnobagagik, noba wesibak subet niigik, ugunem he an nelokhe hebekhogo hinakfikhi lagi lek.

MAZMUR 44:22

At Allah re, nit ninendawimo nen hinagaisogo ebeti lago mene ogore mondogat weinam enek nisili'lagoma re, At Allah nen fut ninobagau hagaro.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

LUKAS 23:11

Fugunem he, Herodes agoromi tentara mene omanogo inomen, Yesus ebe inendawimo inabiret fuluk, inane asegen hokhorogo wokhikhi lagaukwasik he, su fano mondok kaindek labetarek mene ekhe labetfesukwasik, ambotkwe Pilatus oba lakfei wagaukwa.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

MAZMUR 44:15

Haren he nit ninebe afuni inunggulenu amu mene omanogo inambeba nen weak peakhogo hilingninafi logouwageluk hilingninobagegen, iren he inunggul kwanit haluk he nit sebelninobagaluk seramet ninobagali'lagwi.