MAZMUR 68:9 - Allah Wene Fano Wene Hupla Inane

⁹ Hat Allah it afuni Israel mene ineisena, Allah handom Sinaiba weinam agagin mene a'nogo hebe wagunem he, Hat helokhoma nen kweang mondogat abolok igik, meiso lilogo pelabi wagik, ikhi lagaikhe andi.

MAZMUR 68:9 Referans Kwoze

ULANGAN 11:14

Hiren a'nogo hilingiti logogun halok he, at hineisena Tuhan nen meisoba hit enggen mondogat palhunem inom, awi ket yatunem inom, hinanggweang oba pelakhisa waga logogin. A'nogo hilinghinafunem, hit hinebe faget gandum inom, anggur inom, e zaitun amusu inom, nen hinanggo engga ninggerek mene faget inom, higithogo nek hilingik logogin.

YEHEZKIEL 34:26

An nen he it inebe fanot fisambik an nandom horek mene a'nogo era'lukwe andoma logouwageluk yagaisagain. Nen iren meiso inamolo halok An nen wogisikhi logogin.

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

HAKIM–HAKIM 5:4

Nineisena Tuhan hat hebe tom Seir oba nen wulipluk wagunemen, hat hebe o wilayah Edom oba nen herakfisaluk wagunem, kweang abolok igik, nen pogoroba nen i anggwe halogo pelabi wagik, ohenaba nen meiso kweisalogo pelabi wagik, ikhi lagen mene o.

HAKIM–HAKIM 5:5

Nineisena Tuhan handom Sinai eisewerek mene, Israel mene ineisena Allah helokhoma yi tom ti tom mondogat abolok ikhe.

1RAJA-RAJA 19:11

A'nogo yagatikhemo, Tuhan nen he, ”Hebe oumo ari nen wulibi me o. Wulibi wesimbik he, An noba tom unggul oba menlasi lagai we'no o,” iluk yagatikhe. A'nogo yagatikhemo lagaigiluk ugunem, Tuhan ebe Elia era'lukwe lagaluk ugunem, sogoi tak aninirogo funha laga logolik, tom unggul-unggul omanogo pagerik lagik, helep isa omanogo sere'lambuk igik, isikhe. A'nogo meneat he, sogoi andi anggele'ma re Tuhan ebe weinam agaikhe lek. Sogoi a'nogo lek agu kwelek he, lugul langet hasikhe meneat he, At Tuhan ebe lugul andiba weinam agaikhe legat.