MAZMUR 67:4 - Allah Wene Fano Wene Hupla Inane

⁴ Allah, nit nineisena, yi afuni ti afuni inunggulenu lombogen fogethafu logouwak, afuni o kweangma ekhema-ekhema welagaikharek mene nen hai wathafu mondok logouwak.

MAZMUR 67:4 Referans Kwoze

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

MAZMUR 9:8

Meneat he, At Tuhan he Lego mene logolik melalinafu mondok logogin. Aren afuni kweangma mene mondogat inawene pilingisogo katoget fuguba faget obalik takhta a'nogo wurogo fikhemo werek.

MAZMUR 82:6

An nen hit hinoba ikhi lagolik he, ”Hit he mondok esin mene welagep andi nen yagahisikhi lagi o, nen hit he At Allah ebe Mondok Lego werek mene a'nogo againafuri welagep.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

MAZMUR 2:8

Haren kino yaganetunem he, yi afuni ti afuni inunggulenu lombok andoma Hat wokhesigin o. Nen o kweangma mondogat andi re Hat honggwarek hangge mene asigin o.

ULANGAN 32:43

Nineisena Enupogot, againafuri inoatarek mene, it inebe mondogat he, wene inoba fagain, Againafuri inunggulmo, it andi inoasigin, Inoasigin andi nenat, inunggulenu lombogen, Allah Enupogot, againafuri andi fogerinabini, Aren it weak hilingitarek mene, sagalogo legetfisikherego, iluk iren wuni wati logouwagaluk yagaisasukwa.

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

GALATIA 4:27

Andi faget he, Allah aneba wene mel iluk lisu palek werek: ”He agun werek mene nen eagwi inebe endebat taginafu kwelegat he, ekhe agun en lologo herakfesikhe mene nen, eagwi hokhorogo taginaferek andi nen he, hat hebe abili heak takhigi'legat welagen mene andi, hendawimo hagaiyek anggano. Omalik takhageluk hambot heinet wati'lek welagen mene andi, hendawimo hagaiyek anggaluk hane anggilukhogo ino,” iluk isikhemo lisu palogo fesukwa andi.

YESAYA 54:1

Yerusalem, attak hat he hemi abili mene hangge logolik, omalik taginabu re elo'lek hilingik welagagin. Oba nen yogondak he hagainafuri hokho-pokhorogo were'ma, hemi inaguni nen herakfisugu mene inagainafuri inebe oan yenggerek werek kwelek, hat hagainafuri nek he hokho-pokhorogo hilingik andi nen he, hanggilugeti logolik, hagaiyekhogo wuni wati logoin o!

YESAYA 60:6

No unta o Median inom Efa inom omanogo mene nen he o haren ferinarek welagen kwe andoma huli'lipsek logogun. O Syeba nen he afuni nen no emas inom, kemenyan inom waluk waga logolik, Tuhan nen hilingiri'lago mene omanogo faget fogerasi wesugun.