MAZMUR 66:8 - Allah Wene Fano Wene Hupla Inane

⁸ Yago, hit yi afuni ti afuni welagep mene andoma nen he, nit nineisena Allah andi nek fogerati logoni o, Wuniba At enu nek seralhu logoni!

MAZMUR 66:8 Referans Kwoze

MAZMUR 98:4

Yago, hit afuni o kweangma yoma welagep mene mondogaren he At Tuhan obaget a'mit suphogo hinagaiyegeti logo'ni! Hiren hinagaiyegeti logolik wuniba Tuhan ebe fogerati logoni.

WAHYU 19:1

A'nogo ugunem holhiri'mo nen, ombo'ne re, afuni hokhorogo pogoroba logolik inane hokhorogo mel ugunem holhi: ”Nineisena Allah homame hokho, Ninebe telninafendek, Harat fogethabugun, Fogethafi lago u hak, Haleluya ikhi lago.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

MAZMUR 66:2

Wuni wati logolik At enek legeisogo fikhi logoni, Wuniba agaugwerati logolik At enu nek fogerati logoni.

MAZMUR 47:1

It ekhe nen wuni wati logouwagaluk, ap Korah werekwe mene nen wuni felalogo watukwa mene.

ULANGAN 32:43

Nineisena Enupogot, againafuri inoatarek mene, it inebe mondogat he, wene inoba fagain, Againafuri inunggulmo, it andi inoasigin, Inoasigin andi nenat, inunggulenu lombogen, Allah Enupogot, againafuri andi fogerinabini, Aren it weak hilingitarek mene, sagalogo legetfisikherego, iluk iren wuni wati logouwagaluk yagaisasukwa.