MAZMUR 64:4 - Allah Wene Fano Wene Hupla Inane

⁴ It inamelinggen he karok enggat merenghogo makfugunem hangge, nen inane haferogo agarek mene andi re tok enggat werelek andi hangge wulabi wagaikharek.

MAZMUR 64:4 Referans Kwoze

MAZMUR 55:19

It afuni an ninom weim palek mene omanogore esa logalhaluk an noasuogeluk hou sali wagunem, Arenat an nagap telnaferego.

MAZMUR 11:2

It afuni weak hilingitarek mene nen inasikhe engga ninghogo salfuluk he, o mum se'ma omanogo nen afuni higithogo hilingitarek mene inoba pising isouwogeluk, tok sikhe enggelaba kwelagaisogo fangsek logolik werek.

YOHANES 19:6

it ap Allah eisewerek mene inogogwi kaindek inom, it ap Allah awi kagalek welagaikharek mene inom, Yesus ineilenggen hasukwasik inane hokhorogo paksilak ikhi logolik he, ”At ebe eba menfembik wa'no o! Eba menfembik wa'no o!” iluk inane ninghogo yagatukwama re, at Pilatus nen he, mel yagaisasikhe: ”An nen, at weak hilingite mene ekhe higi mondok lek andi nen he, hit hinonggwarek hinoba lombogen at ebe waganogo eba menfembik wa'no o,” iluk yagaisasikhemo,

HABAKUK 3:14

Nit telfol nisogoin iluk wagunem, Hat handogen nit ninom weim palek mene esa logalogo weri'lagwi mene omanogo it sikhe fisogo mene tentara re sogoi sielu hakhogo wagu kwelek he, inanggele'ma pisinghogo kwelafi lagen. It afuni ekhe nen he samik-samok afuni inangge lek inelagaik mene sebelogo fisagarek mene hangge inagaiyegen endo ari'lagwi.

MAZMUR 64:7

Iren he wene weak hilingisugun mene omanogo faget enek abok palhi logolik he, yi'nogo agarek, ”Niren wene palhi lago mene andi re mondok ninawenggelekhogo nek palhi lago,” iluk agarek. Afuni inendawinggen inom wenggelharek ero inom andi re mondok elonggoma hilingi'mo re afuni nen kwelakha re elo'lek.

NEHEMIA 4:11

Nit leget a'nogo wanhu were'ma, ap nit ninom weak mene andi nen weim abok ikhi logolik, ”It inonggothogo leget wanhu were'ma, nit kagali lambik inanggelekwe menlarik lambik inebe inoasuogo. A'nogo inoatunem, leget andoba herakfisoago,” iluk weim abok isukwa.

2 SAMUEL 15:14

A'nogo yagatikhemo, at Daud en he agoromi kaindek o Yerusalem inom welagaukwa mene mondogat mel yagaisasikhe: ”At Absalom enggi welagi'legat weak-weak wesimbik nit ninebe ninoasinogoluk he, heise o ale'ma louwogo. Nit oan lagunem mu'ninarek laga-logolik mabenet ninobagambik he, afuni o kota yoma werek mene inebe felelenghogo inoasinogo o,” iluk yagaisasikhe.

1 SAMUEL 19:10

A'nogo watu ebe o hobat oba higit were'ma, at Saul en sige a'nogoba tunghogo wasigiluk tungethasikhe meneat he, Daud ebe ale'ma pokhogo lagaikhemo re, sige o hobat oba hun fesikhe. A'nogo hilingitikhemo, at Daud onggwarek agap telogo heise lagaikhe.

1 SAMUEL 18:11

Saul endawimo nen he, ”Daud ebe sige yiba o hobat inom hun fagain,” iluk anggasikhesik he, at Saul arige a'nogo enggi pireba woukhogo lakfesikhe mene re Daud en fanorogo ogal fesikhe.

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

MAZMUR 57:5

An he it afuni an naselei mene nen haningisogo kwelaknarek werek, nen it inebe re mene singa afuni senggelinaferek mene hak hilingik, it inaik he sige kabelek hak aik ngili-ngelerek, it inamelinggen he karok enggat merenghogo mago mene hangge hilingik.