MAZMUR 61:8 - Allah Wene Fano Wene Hupla Inane

⁸ Neisena Allah, raja andi ebe harenat wenagaisogo fesigin mene hilingi'mo re, Haren hendawi hundik hilingitik, tiphogo nek hilingitik, egendek mene a'nogoba agap laberogo fisogo logoin o. A'nogo were'ma ninhup nanhup andoma re aren enek melalinafu mondok logogin.

MAZMUR 61:8 Referans Kwoze

MAZMUR 65:1

Wuni it ekhe nen wati logouwagaluk, Daud en felalogo watikhe mene.

MAZMUR 79:13

Andiba re nit Hat againafuri hanggo domba Haren halninafi lagen mene nen he, ninenggi mondok-mondok andomaba Harenek hai wathafu welagik, nen mo lagagik pigik ugu kwelek andomaba Harenek fogethafu welagik, hilingitu logogun o.

MAZMUR 71:22

Neisena Allah, Hat he tiphogo nek hilingiti logolik welagen andiba re, an nen wuni pinggong gambus oba wati logolik fogethafu welagi. Afuni Israel mene ineisena Allah mondok horek welagen mene neisena, an nen he Hat hobaget wuni fogethafarek awuni pinggong kecapi kong eti logolik fogethafi logogin.

MAZMUR 146:2

An nebe neluk logolik oba re Tuhan enek fogerati logogin, nen an nebe logolik oba re neisena Allah faget wuni wati logogin.

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

2 SAMUEL 15:20

Hat an ninom ninenggi ekhe inomat hokhorogo welago le'ma re, an nen hat ninom o ekhema nen ekhema higilogo lagik nikhi logouwok, iluk yagahetu aplere elo'lego. An yi nebe o toma lageluk, iluk he tukhumhogo nonggwarek nonggot aro. Andi nen he, hat hagaila'lak hinunggulenu misik mene andi woginarek hambotkwe lan o. We At Tuhan nen hendawi hundik logolik, setharek mondok logouwago,” iluk yagatikhe.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.