5 Hat hogolabi a'ma an nebe sebelnarek were'ma re, an nailo legengge nabolok lek logogin nen he, an nebe neluk logolik oba Hat hawi sabu sale'ma andoma kuluk logogin iluk anggikhi lagi o.
An nen At oba nendawinggen eberogo anggikhi lagi andiba re, an nailo lek welagi o. Andi nen he afuni nen an noba ninggi'nogo ekhe hilingnobagau hak nogo?.
Hit afuni nineisena Allah hinailorogo welagep mene yi, hinenu werek mene inom, hinenu lek sebelek welagep mene inom, At Allah nen higithogo nek fanothinafi logogin o.
Tuhan neisena, Hat hendawimo hagaiyek anggikhi lagen mene andoma an nen tiphogo hilingiti logogin nen he Haren yanggulnabin o, nen an nendawi abirengge nen Hat hawene melalek a'nogo futfuluk hilingiti logouwageluk hilingnobagakhi logoino o.
An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.
Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.