MAZMUR 60:3 - Allah Wene Fano Wene Hupla Inane

³ Neisena Allah, Haren nenahalok nit oboget nisegen, Nen nenahalok nit ninomame leget ninobagauwageluk hilingninafen, Haren hanini nit ninoba fegenma, yogondak hilingik welago mene yi hambotkwe halogo ninobagaime o.

MAZMUR 60:3 Referans Kwoze

MAZMUR 71:20

Haren he an noba enggin-fenggin hokhorogo hilingnobagakhi lagen, oba nen he, Harenat an nebe fano hilingnobagagin o, nen an nebe ap warek mene salinafuba nen neluk mennobagagin aro.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YEREMIA 25:15

Tuhan afuni Israel mene ineisena Allah a'nogo nen an noba ikhi logolik, ”Haren iwak anggur amusu An na'mage hinagongge figimo werek mene ari wanin o. Wanimbik he hat hebe An nen yi afuni ti afuni inunggulenu lombok welagaikharekwe andoma lakhobagaumo laluk he, anggur agai ari noageluk yagaisano.

MAZMUR 75:8

Oba nen he, At Allah amu nenat inawene pilingisogo ayo wurinabigin. Arenat it ekhe sebelfisigik, nen ekhe legeisogo fisigik, igin.

WAHYU 18:16

”Hit Babel mene hinasu kain lenan su mene elokhonggen mep hangge mene inom, kibi-kibi warek hangge mene inom, labetfuluk, hinalilingge emas mene inom, helebenggen onggo hokhorogoat palharek mene enu permata inom, mutiara mene inom, wanhi lagep a'nogo re, we, misigam faget arat alomat lagaikha yi eige, ihi!” iluk inobaget li le aga lagaikha. It a'nogo ugu kwelek, it afuni kapal hokho mene waluk nikharek mene inogogwi ap kaindek inom, inagoromi kapal ebe waluk lagaikharek mene inom, it afuni ekhe woginarek lagaikharek mene inom, it ekhe i laut yenggelek kwe yi mene ti mene herarik nikharek mene inom. mondogat, it afuni Babel mene inebe endu nunggunem inesi hule yatma nen mendek logolik ineilenggen yerogo logolik, mel ikhi lagaikha:

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.

HABAKUK 2:16

Nen hiren a'nogo hilinginafi lagep andi nen he yogondak asi waga mene andi re hit fano agaugwet hinabigiluk waga re fuk, athe hinenggali wagoro weaget hinabigiluk waga o. Agaugwet hinafarek mene andi hebekhogo hinenggali asu mene hilinghinobagagin. Tuhan nen unggum i amusu arik weak mene hinago omameba wokhisamo nambik, talo-talongge hilingisugun.

DANIEL 9:12

Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.

RATAPAN 4:21

Yago, hit Edom hinap yi inom Us hinap yi inom oma re, hiren hilingisuba andem endo yakhigik, hinagaiyegetik, hilingiti logoni! Enggin mene andi re hit hinoba ogo asi wesumo re, hit hinebe lugulugwi palhi logolik hinonggwaregen hinalfulukwa kogouk erikhi logogun.

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

MAZMUR 80:4

Nineisena Allah, nit ninoba hilingik welago mene yi hal ninobagaime o, hendawinggen sakhorek oba helokhe wo'nisamo re, andiba nit ninagap telek logogun o.

MAZMUR 80:8

Nineisena Tuhan Allah, Homame Mondok Hokho mene, nit ninoba hilingik welago mene yi hal ninobagaime o, hobuk ninambotkwe fano hilingisogo ninobagaime o. hendawinggen sakhorek oba helokhe wo'nisamo re, andiba nit ninagap telek logogun o.

MAZMUR 85:5

Neisena Allah, Hat he nit ninagap telninafi lagen mene welagenma re, Hat ha'mage nit ninoba ekhe inom fugun o, nit ninebeba hilingik welago mene andi re Haren ambotkwe fanotninobagain o.

MAZMUR 89:39

A'nogo meneat he Haren yogondak at raja oba ha'mage fegen. ap Haren wenatigin mene a'nogo ebe herakfegendik, wulak fisegen.