MAZMUR 6:10 - Allah Wene Fano Wene Hupla Inane

¹⁰ At Tuhan nen, an nen kino yagati mene nane esanggo holnobagagik, samban oba yagati mene Aren wo'nafik, hilingnobagali'lago.

MAZMUR 6:10 Referans Kwoze

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

YEREMIA 20:11

Oba nen he Tuhan neisena, Hat he an nebikhit mene welagen. Nen Hat mondok homame hokho logolik halong werek hagun welagen. Ap an sebelogo nobagauwogeluk mu'narek nikho mene re, ineisok tunghogo hulambesimbik iren yi'nogo ti'nogo ekhe hilingisu elo'lek asigin. Iren hilingisugun mene iluk eberek werek mene omanogo sugwi asumo re, iren inenggali hokho mene asimbik logogun mene andi re, inonggoragi'lek ebethugu mondok logogun.

MAZMUR 86:17

It afuni an noba inabiret nobagali'lagwi mene andoma re, Haren lebetnafunem ineilenggen nealuk inenggali asuakhogo re, neisena Tuhan Haren enegengge ekhe wo'nomo, iluk samban isikhe.

YESAYA 26:11

Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

MAZMUR 132:18

Nen o kerajaan aren melalinafi logogin oba andoma re mondok fanorogo nek logogun. A'nogo meneat he, at inom weak mene re, inenggali warogo fikhi logogin,” iluk Harenat isigin andi iluk wuni watukwa.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 73:19

Ineilenggen humun la'luk fenggen lagaikharek hak koma lagaikha heat, lek agaikharek. It inebe lek agaikharek sambul andi re mondok hunikhogo hiling lagarek.

MAZMUR 71:24

Afuni an weaget nobagauwogeluk hilingiri'lagwi mene omanogo mondogat inomame lek agaikhasik inenggali agama re, linggene inukhogo Haren katokhogo nek hilingiti lagen mene andi faget fagetu mondok logogin o.

MAZMUR 71:13

It ap an noasuogeluk hilingisi weri'lagwi mene andoma re, inenggali watfisaluk inebe legetfisano o. It afuni an nebe alomat nobagauwogeluk hilingisi weri'lagwi mene andoma re, inendawinggen nonghonget fisamo inenggali asuago.

MAZMUR 35:26

We an noba enggin hokho were'ma ineilenggen neagarek mene nen he, inendawinggen nonghong iluk inenggali asuak. Nen an neilhanem wonoget fakhili'lagwi mene andoma, inenu sebelogo fuluk inenggali warogo fisoak.

MAZMUR 25:3

It afuni Hat hoba ineranen wene agarek mene andoma re inenggali asugun. Oba nen he Hat hoba inendawinggen tibet fagarek mene re inendawimo heiselasuageluk ekhe hilingfisagain lego.

MAZMUR 7:6

we, it an naselei mene omanogo nen enek mu'narek senabi we'luk, nebe warogo kweangma andoma nobagauwago.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

MAZMUR 5:10

It afuni an naselei mene andoma nen inane agarek mene re eberogo ili'lagwi iluk angga lek hak, it inendawimo re weak mene hilingisugun mene nek peterogo werek. It inane ugunem he, inane pugun pagansek logolik afuni inendawinggen wanu hak, oba nen he, it inendawinggenma re fili mene nek peterek logoligen agarek andi.

MAZMUR 2:5

A'nogo ikheresik, Aren it inoba inagut palogo wenagisigik, a'makwe mondok het-periluk youk wulaginafik ikherek.

AYUB 6:29

Hinendawinggen wenggelha'ni! Hiren wene leatokhogo hilingiti'legengge hilingitu lek. Nen, an he ibi-eberogo nen weak hilingiti legenggere, hiren enggin-fenggin an noba fugu lek.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

MAZMUR 55:20

It andi re inobabut hebelhi'lek, Allah ba inom inailo anggigi'lengge nen hilingitunem he, At Allah etok mondok werek mene a'nogo nen an nane ikhi lagi mene a'nogo esanggo holnafi logogin o, nen it he inomame leget fisagain.