MAZMUR 59:8 - Allah Wene Fano Wene Hupla Inane

⁸ Iren he palfigi'lek hundik-handik puliarinafik, ina'ma seramet fisigik, hilingiri'lagwi o. Iren inane agarek mene andoma re karok enggat merenghogo mago mene hak hilingik, iren anggikhi logolik he afuni nen fut ninobagali'lagwi lek iluk anggili'lagwi.

MAZMUR 59:8 Referans Kwoze

MAZMUR 2:4

A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

AMSAL 1:26

Andi nen he hit hobuk mondok weak mene hinoba aga halok, an nen endo yakhinabigin o. Hit hinailo mondok agep halok an nen nanewak wokhisagain aro.

MAZMUR 37:13

A'nogo hilingitarek meneat he, At Tuhan nen elugun oba hilinginabigin mene horogat asi waga andi nen he, it inaendo hokhorogo yaginaferek.

MAZMUR 59:5

It mondogat fik-foukhogo hilingfagasik weak-weak o lasi kwi wesuogeluk hilingiri'lagwi andoma re, an nen naweak hilingitiba iluk ogore mondok lek oba nen.

MATIUS 18:17

Lamo re, it andi inane esanggo holhi'legat halok he, Allah againafuri inebe andogorogo were'ma yagaisano. Yagaisamo re, it Allah againafuri inebe mondogat omanogo inane esanggo holhi'legat halok he, at andi hinerei hinagaila'lak meneat he, it uang pemerintah faget kino iluk wanharek mene inabit mene hangge enda'ma mene hilinglaga o, iluk anggano,” iluk yagaisasikhe.

MAZMUR 10:11

Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.

MAZMUR 57:5

An he it afuni an naselei mene nen haningisogo kwelaknarek werek, nen it inebe re mene singa afuni senggelinaferek mene hak hilingik, it inaik he sige kabelek hak aik ngili-ngelerek, it inamelinggen he karok enggat merenghogo mago mene hangge hilingik.