MAZMUR 59:13 - Allah Wene Fano Wene Hupla Inane

¹³ It inambeba nen he weak mene nek agarek, athe ineranen wene nek ikhi logolik hururung inafunem he, iren foget fakhagarek mene andiba ke'nok ikhi logouwak.

MAZMUR 59:13 Referans Kwoze

MAZMUR 83:18

It andi re mondok-mondok andoma inenggalirogo hilingfisamo re inailorogo logombik, youk la'lak inebe wa'lakhoago.

MAZMUR 7:9

We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

YEHEZKIEL 39:7

Oba nen he afuni Israel mene inanggele'ma andoma re, An nenu horek mondok welagirek mene a'nogo weinamet fagain. Nenu andi re ekhe inom weagerogo fogoin lek. Andiba re yi afuni ti afuni inunggulenu lombok omanogo nen An Tuhan Allah, Israel mene ineisena horek mondok welagi mene a'nogo inelu asugun,” ikhe.

MAZMUR 59:11

An neisena Allah obabut fano nen endawit napluk he, an nambit weri'lago, nen Aren he it naselei mene omanogo mabenet fisugunem an neilenggen hoageluk hilingnobagali'lago.

DANIEL 4:25

Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

YEHEZKIEL 38:23

Obaburigi ariginik mene andi re An nen hilingisumo yi afuni ti afuni inunggulenu lombok inoba, An nebe nomame hokho logolik, horek mondok welagirek mene a'nogo inugisagain. Andiba re iren An Tuhan welagirek mene a'nogo inelu asugun,” ikhe.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

MAZMUR 104:35

Afuni weak hilingitarek mene o kweangma yi awi ti awi welagaikharek mene andoma re, inebe mondogat lek akhoak. Afuni inobaharo weak mene andoma re, inebe mondogat lek akhoak. Neisena Tuhan an nendawimo nen he, fogethafi logogin o, iluk Haleluya, igi andi, iluk wuni watikhe.

2 RAJA-RAJA 19:19

Afuni inunggulenu lombok o kweangma yi awi ti awi welagaikharek mene nen he, Tuhan Allah re we Hat ami-amuat welagarego, iluk inelu asuageluk nit ap Asyur mene nen ninoasuogoluk ili'lagwi andi telninabino o, neisena,” iluk yagatikhe.

BILANGAN 32:13

Tuhan nen it inunggulenu Israel mene inoba a'mage inoba fikhesik he, o leikwe andoma leil warik nikhi logouwageluk hilingfisasikhemo 40 tahun nikhi lagaukwasik ap At ane sagalhukwa mene omanogo mondogat wa'lagaukwa.

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 64:9

It inonggwarek inane agarek oba inebe legarik lagaikharek, a'nogo hilingitunem it ekhe ineilenggen kwelaginarek logolik he inunggul kwanit hagarek.

MAZMUR 109:17

At he afuni homan ikfisugu mene faget he mondok amolo welaga, at onggwaregat homan ugu logouwak! At he afuni inoba fanot fisugu mene mondogat onggot welaga, at onggwarek oba ogo re fano mene ekhe logoinogo!

AMSAL 12:13

Ap weak mene andoma inane weak agarek oba inonggwarek yebet fakhagarek, nen ap fano hilingitarek mene re yi enggin-ti enggin oba nen lologo wulifarek.