MAZMUR 55:10 - Allah Wene Fano Wene Hupla Inane

¹⁰ Tuhan neisena, it afuni naselei mene andi inendawinggen nonghongerisan o, o kota kwe andoma iren ina'mageba nek hilingitik, yei wene nek palhik, hilingitunem isikhi lagimo re, it inane mari'lagwi mene andoma re salingpalinghogo hilingfisan o.

MAZMUR 55:10 Referans Kwoze

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

KISAH PARA RASUL 9:24

A'nogo isukwa meneat he, it afuni ekhe nen Saulus husumbi yagatukwama at elu agaikhe. A'nogo elu werek kwelek, ap omanogo nen at ebe ebekwe leget pa'leget ambe pale'ma wulafunem he, wasuogeluk hubanggo linggene kagalek mondok welagaukwa.

YOHANES 18:28

A'nogo hilingi'luk, sue ane isikhemo hup siakhogo at Yesus ap Kayafas were'ma nen, o wene inoba figik kotik agarek oba waluk lagaukwa. Waluk lagaukwasik he, Yesus enek oloba kwelakfesukwasik, ”Nit seni Paskah a'nogo mene ninggi logou ha'ma, ninabisak kumo re, nit ninebe weak fakhogo hanogo,” iluk he, o wene inoba figik, kotik agarek oba andoma kwigi'lek we o silimo kamo isukwa.

YOHANES 18:3

A'nogo elu andi nen he, it ap Allah eisewerek inogogwi kaindek inom, it Farisi mene inomen he, inagoromi Allah awi kagalek welagaikharek mene inayonggo fuluk lakfisasukwama, at Yudas nen tentara Roma mene esa hokhorogo ekhe inom woginarek, sikhe inom, sige inom, yi esage ti esage inom, waluk andoma lagaukwa.

HOSEA 7:6

Endu wulenggen wagane'ma nonggalek hak iren inaniniba hilingfogoin iluk hilingitarek mene andoma a'nogo hilingitik, nen it inanini nen ina'mage lagaikharek mene a'nogo hubanggo inendawimo het lagaikhi la'luk, hubet he endu amulok kulunghogo lagaikherek hak inendawimo ina'mage wulabi'lagwi andi.

MAZMUR 59:6

Neisena Allah Lego Mondok welagen mene, Hebe menla'luk he lebetnabin o, it afuni Israel mene ineisena Allah re Hat welagenma re, Harenat heilenggen isan o. Afuni henarogo hilingitarek mene andoma re hendawirinafi'lek, Hebe heluk asimbik he it afuni inunggulenu lombok andoma wene inoba fuluk unggum wogisan o.

1 SAMUEL 19:11

A'nogo lagaikhemo, andi sambul hubanggoat at Saul en, agoromi nen Daud ineil wanhi logombik ohealek hubet halok ebe wasuagaluk he, inayonggo fesikhesik, Daud aiba lakfisasikhe. A'nogo meneat he, it andi oan lagi'lek werek kwelek, Daud agwe Mikhal en he, mel yagatikhe: ”Hat hebe o hubanggo yiat heise wulibigin lek halok he, hobit hubet hebe mondok hoasugun o,” iluk yagatikhe.

2 SAMUEL 15:31

A'nogo lagakhi logolik, afuni nen he, Daud mel yagatukwa: ”Ahitofel ogo re, Absalom en, Daud nabit, noe Absalom aro, iluk uagaluk endawimo kagalhemo aro,” iluk yagatukwama, at Daud en he, samban mel isikhe: ”Neisena Allah. At Ahitofel en wene komorinafi logogin mene andi, ekhe ebe aga logoinogoluk hilingfikhi logoino o, neisena,” iluk yagatikhe.

MAZMUR 58:3

Mondok lego, o yomaba hiren wene weak mene nek melalogo figik, nen hinagaila'lak inangge hinenggi abisak teligik, hilingiti lagep andi.

HABAKUK 1:3

Inobabut mondok weak hilingitunem neilenggen kwelaginarek logouwageluk hera'nobagakhi lagen andi nenahalok? Hat hane sagalogo weak a'nogo hilingitu kwelek meneat he, heilenggen isaluk hafe morogo welagen andi nenahalok? An nera'lukwe elima yoma mondogat weagerinafik, ina'mageba ninghogo hilinginafik, yei liafik, minggit- manggathogo hilinginafik, ikhi logolik, mondok weakhogo hilinginafu werek andi.