MAZMUR 53:1 - Allah Wene Fano Wene Hupla Inane1 Afuni nen wuni wulak fuluk inebe ambine seberogo ugunem yanggulinafu mene faget, wuni unggulenu Mahalat ebene felalek mene. At Daud en yanggulinafikhe awuni. Gade chapit la |
MAZMUR 53:1
24 Referans Kwoze
Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.
Iren obalik wutukwa kwe andoma re kembu dewa obaget hilingiti lago iluk he hemi hesangge hilinginafarek mene omanogo re andoma nen hilinginafi lagaukwa. It aben ogore hesangge hilinginafu mene iluk andoma hilingiti lagaukwaat. It inunggulenu Yehuda mene andoma nen ogore inunggulenu amu mene nen afuni Israel mene o kweang andoma kwi lagaukwa sambul andem Tuhan nen mugusogo wulak fisasikhe mene omanogo nen mondok weak ina'meilo mene hilingiti lagaukwa omanogo hakhogo hilingiti lagaukwa.
Hit attak he, hinobabut it afuni Allah ane inonggot mene nen inendawimo anggaluk hilingitarek andi hak, arat hilingiti logolik he, weak hinenggali legat hilingitik, hinendawinggen en nunggunem pailak fakfisigik, pailak fakhinobagauwageluk hilingitik, enggen amusu weak mene naluk hinendawinggen lek hilingitik, seni naluk hesangge-pesangge hilingitik, amusu weak mene andi hinoba lagolegat ninggik, tugwi kembu endawimo weak asinogo iluk, fogerasu lek mene fogeratik, ikhi lagagip andi.
Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.
A'nogo wutikhesik, endawimo nen he, mel anggasikhe: ”It afuni andi Tuhan awi wuri'mo o Yerusalem at faget hilingisuogoluk lagaikharek andi hak, a'nogoat lagu mondok logogun halok, hobuk inambotkwe ap Rehabeam afuni Yehuda mene inoe raja a'nogo agoromi asimbik he, an nebe noasugun he a,” iluk anggasikhe.
It afuni andi nen, hunogoat mene faget, Nineisena ebe andi aro, iluk fogerati logolik, mondok weak Allah abit mene hilingiti logolik, ineisena andi mene faget yi mene ti mene warogo noletarek oba inonggwarek inagainafuri mene warogo noletaregat. Andi nen he, hiren nineisena Tuhan Allah fogerasuogeluk halok he, it inobabut waganogo andi hangge ekhe hilingiti logou fugo.
Eberogo nen Samaria re weak hokhorogo hilingiri'lago, oba nen he aren hilingiri'lago mene andem he haren mene haweak minggilogo fenakwe mene hak he hilingiri'lago lek. Hat hobabut he mondogat weak. Helime hat hegebi mene andoma hat hinom walhugunem he, it he weak hilingita lek mene hangge hilingik. Harenek he henggali asimbik wambo igin!” ikhe.
Piblisite