MAZMUR 51:3 - Allah Wene Fano Wene Hupla Inane

^3-5 Neisena Allah hendawitnabin o. Hendawitnafu mondok welagendek andi nen, hokhorogo hendawitnabino o. An weak hilingiti mene, nendawimo eberek mondok logolik, fakhogo figi andi nen he, mondogat weak hilingiti mene andi, sebelogo legetfisambik horogo nobagain o.

MAZMUR 51:3 Referans Kwoze

YESAYA 59:12

Nit ninaniniba hilingiti lago mene andoma re eberogo nen he Hat helokhoma hokho-pokhorogo werek, nit ninaweagen ninonggwarek weaget fakhikhi logo. Niren he, ninaniniba hilingiti lago mene andoma faget eberogo aro iluk futfikhi lago, nen ninonggwaregen weak hilingiti lago mene omanogo re eberogat ninelu ari'lago.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

MAZMUR 38:18

Hundik-hundik ou wanhi logolik he, an nebe warogo weinglasu hak hilingiti lagi.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

YEREMIA 3:25

Enggere nit hilingito mene andi faget ninenggali agik, inal ngesukum wat ninobagagik, ugun andi re fano aro. Andi re niren inom nit ninombawi lagen inom nineisena Tuhan Allah a'nogoba weak hilingiti logolik, At awene melalek omanogo hologo hilingiti lago lek andiba ikhi lagebo,” Iluk ikhe.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 41:5

An nen ikhi logolik he, ”Tuhan neisena, an he Hat hoba weak hilingiti lagimo re, Haren hendawi nealuk an nebe fano hilingnabin o,” iluk ikhi lagi.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.