MAZMUR 5:4 - Allah Wene Fano Wene Hupla Inane

⁴ An nen we Hat neisena Allah hoba nek samban ugu mondok welagimo re, nane hubet yagaheti lagi mene andi hesanggo holnabin o. An nen o hubet hundik-handik samban hoba yagahesi waga lagi mene andi re, Tuhan Haren onggo yagane'nogoluk nenangot hiugu mondok welagi o, neisena.

MAZMUR 5:4 Referans Kwoze

MAZMUR 11:5

At Tuhan nen he afuni weak hilingitarek mene inom, fano hilingitarek mene inom inobabut palherek, nen afuni inobaharoba hilingitarek mene andi re Aren he mondogat abit isikherek.

IBRANI 12:14

Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.

MALEAKHI 2:17

Hit hinane ikhi lagep andiba re, Tuhan aberalit fikhi lagep meneat he, hiren, ”Niren ninggi'nogo Tuhan aberalit fikhi lago nogo?” iluk heinok wanhi lagep andi re furogo yagahisak: Hiren ikhi logolik, ”Afuni mondogat weak hilingitarek mene andoma re, nineisena Tuhan nen he, fano nek hilingiri'lagwi anggikheresik, Aren he it faget endawimo agaiyek inoba fili'lago ikhi lagep,” Nen ekhe re mel ikhi lagep: ”Allah nen unggum higithogo nek pilingerisili'logo iluk ili'lagwi a'nogo ebe koma werek,” iluk heinok wanhi lagep andiba Allah aberalit fikhi lagep andi o, iluk yagaisasikhe.

MAZMUR 140:13

Haren afuni mondok sebelek mene inobaget wene katokhogo nek hilingfisigik, it inenggi lek mene inawene faget inebikhit agik hilingiti lagen mene andi re an mondok nelu o.

MAZMUR 50:21

Andi mene nek hilingitu welagep andiba re, An alokhogo welagi andi faget hiren anggikhi logolik he, At he nit ninom higit anggikhi lagep. Oba nen he, hit hilingik welagep mene faget yogondak An nen yagahisikhi lagi andi, nen andoma mondogat he hiren enek hobagaigiluk An nen weinamet fikhi lagi o.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.

HABAKUK 1:13

A'nogo meneat he, it ap inobabut mondok weak logolik, ning-nanghogo lalinafarek mene andi inoba heilenggen isikhi logolik meneat he nenahalok hafe morogo welagen nogo? Hat hebe horek mondok logolik, it ekhe weak hilingitunem heilenggen logou hak nogo? Nen it ekhe higithogo hilingitu le'ma, Haren hebak hafe asu lek hak nogo? Andi nen he, it ap inobabut weak mene andi nen it inobabut fano mene omanogo weagerinafu kwelek meneat he, nenahalok hafe morogo welagen nogo?

MAZMUR 92:15

E endam agayoba nen enggen itu mondok logolik, engga mondok mulirogo ket fano welagarek a'nogo higit, hilingik logogun.

2 PETRUS 3:13

A'nogo hilingiti logolik ninendawimo nen he, ”Allah nen wene watnisikhi logolik: Pogot ket mene hilingisogo figik, kweang ket mene hilingisogo figik, igin oba andoma kwimbik higithogo nek hilingiti logogun,” iluk, wene watnisasikhe mene a'nogo nenangorogo welago.

MAZMUR 101:7

Ap ineranen wene agarek mene re An nailoba logogun mondok lek, afuni inane nomo-nomo mene re An nelokhoma aninurogo logou lek hak.

MAZMUR 94:20

Hat he it ap hakim ina'mage weak inap andoma inom mangoti lagen lek, It ap wene melalek oba higithogo iluk weak mene faget enek hilingitarek inap andoma hinom sebeti lagen legat.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

1 TAWARIKH 29:17

Haren ap inendawinggenma palisaluk, it inendawimo mondok selek mene halok Hat hendawirek welagen a'nogo, an nelu o. An nendawimo healek oba inom, nendawimo nagaiyek oba inom, mondogat yi hat hobaget waluk wokhesi wagi. It Hat againafuri yoma kaboksek mene yi nen, inendawi fanoba inangge Hat wokhesuogeluk waluk waga lagaikha aple an mondogat neil isigi.

MAZMUR 63:2

Allah neisena, an neisena Allah re hat welagenma. Hat hebeat nendawi hundik logolik herakhabik nikhi lagi o. I nele nen inendawimo agesabu fulung hugunem welagaikharek hak, kweang amusu le'ma yoma logolik, an nendawinggen hat hoba ebethugu mondok welagi o.

MAZMUR 88:14

Oba nen he neisena Tuhan, Haren lebetnabinogeluk kino yagaheti lagi, O hubet hundik-handik Haren lebetnabinogeluk samban oba hayonggo fugu welagi o.