MAZMUR 46:3 - Allah Wene Fano Wene Hupla Inane

³ Kweang abolok igin oba nen, yi tom ti tom sunukhogo i laut elema ma'lima pigin oba nen,

MAZMUR 46:3 Referans Kwoze

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

MIKHA 1:4

A'nogo pi waga logolik tom unggul andoma At eisogen sebelik wagunem he, hendali endu amulogen nunggunem lebelek agarek andi hak hilinglagik. Nen i tom oba nen wilipluk lagarek hak kweang he mesagen waluk o tonggokwe pi lagik, ikherek.

WAHYU 16:20

Nen, i kweang enggen kwe mondogat inom, tom mondogat inom, legagik,

MATIUS 7:25

meiso hokho pi wagik, i fu hokho wagik, sogoi hokho funha wagik, isikhe meneat he, o a'nogo helep oba loukhogo wutikhemo andi nen he, sanokhogo lagi'lek kamo isikhe andi hagat hilingisigin.

YESAYA 5:3

Andi nen he, yogondak an nare nen ikhi logolik, ”Hit afuni Yerusalem mene inom, Yehuda mene inom An nebe faget inom neabu anggur yabu andi faget inom wene higithogo palnesugun o.

MAZMUR 18:4

At Tuhan andi re enu hombuk palu higit obaat ayonggo fugu welagimo re, Aren an naselei mene inoba nen fikhalogo wulak nobagali'lago.

AYUB 38:11

A'nogo fesigisik, mel yagatigi: Hat huli yibaat logoino, ela'lagat huli warek werek mene yiba heilanghogo lagai wesigin mondok lek. We, misi'mo logolik, ha'labu aninirogo fonyalek lenggalek huli yi huli hilingiti logoino o, iluk komoratigi andi.

WAHYU 17:15

At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

1RAJA-RAJA 19:11

A'nogo yagatikhemo, Tuhan nen he, ”Hebe oumo ari nen wulibi me o. Wulibi wesimbik he, An noba tom unggul oba menlasi lagai we'no o,” iluk yagatikhe. A'nogo yagatikhemo lagaigiluk ugunem, Tuhan ebe Elia era'lukwe lagaluk ugunem, sogoi tak aninirogo funha laga logolik, tom unggul-unggul omanogo pagerik lagik, helep isa omanogo sere'lambuk igik, isikhe. A'nogo meneat he, sogoi andi anggele'ma re Tuhan ebe weinam agaikhe lek. Sogoi a'nogo lek agu kwelek he, lugul langet hasikhe meneat he, At Tuhan ebe lugul andiba weinam agaikhe legat.

YESAYA 54:10

Tom-tom andoma inom punu-punukwe andoma inom leigesigin oba nen he, An nen hit nendawi hundik hilinghinafu aple andi palfagain mondok lego. Hinendawimo serogo hilinghinobagagin o, iluk wene isigi mene andi re An nen obokhigi'lek fago mondok logogin o,” iluk Tuhan hat hebe endawi hundik hilinghabi'lago mene a'nogo nen ikhe.