MAZMUR 45:8 - Allah Wene Fano Wene Hupla Inane

⁸ Haren weak mene faget habiret fuluk he, eberogo wene faget enek he hamukhirek logolik welagen, andiba re At Allah, hat heisena Allah a'nogo nen hebe wenak hafesik, it raja-raja omanogo elo'lek hak werek kwelek, harenek he mondok fanot hobagaikhe andi.

MAZMUR 45:8 Referans Kwoze

KIDUNG AGUNG 1:3

Hat hamben he mondok fano sang-bang eri'lago, henure amusu amben fano mene kweisalogo pugunem amben eterek andi higit hilingik welagen; andiba re helime silerigen inendawinggen ninggerek!

YOHANES 19:39

A'nogo wani wagaikhemo, at Nikodemus, attagat hubanggo Yesus oba wagaikhe mene a'nogo nen, e mur enggen amusu inom, e ekhe amusu amben fano mene inom, nanggelek-hanggelek hilingisogo enggin he 30 kilo hangge waluk Yusuf emberek wagaukwa.

KIDUNG AGUNG 4:6

A'nogo hilingik welagenma re an nebe re, tom mur oba inom, nen punu kemenyan oba inom lele anggikhi lagi o. A'nogo lelesik were'ma sogoi hubet mene funha waga logolik, o mum werek mene a'nogo furogo waluk lelep anggikhi lagi.

MATIUS 2:11

Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

YOHANES 14:2

An neisena awiba andoma, o hit logogun oba obalik hokhorogo selek werego. A'nogo lek logoilepma re, an o hit logogun oba tegeli lagain, iluk yagahisele lego.

AMOS 3:15

A'nogo hilingiti logolik, it inaiba o salim agunem welagaikharek oba andoma inom, o hibi agunem welagaikharek oba andoma inom, mondok weaget fisigik, nen o timuk oba liagaisogo wurik mene andoma tukhumhogo lakfisigik, igin o, Nen o hokho mene wurik mene andoma re mondogat wolelenggenhogo weaget figik, igin,” iluk ikhe isikhe.

KIDUNG AGUNG 5:13

Elokhonggen he yabu amben-ambenengge faget waganek mene hangge hilingik, nen ambe pum he bunga bakung owil en mur ebe mene tephogo pelaferek mene hak hilingik.

KIDUNG AGUNG 5:5

A'nogo hilingitemo re an nebe feisakhogo menlagarik, at nendawinggen hundik mene a'nogo kwe huthigi. An nenggi segelet ebene nen he mur amusu tephigik pikhi logolik he, kwe kolok inenggi fagongge a'nogo bene yugulaga.

KIDUNG AGUNG 3:6

O leik esi mondok lek fikhit andoma nen endu hule mone'luk weri'lago andi re nena mene nogo? Amben he no mur amben inom, kemenyan amben inomen it onggo wanharek mene nen inagap ebene ambenhogo iluk yugulharek mene amben hangge hilingiri'logo.

KIDUNG AGUNG 1:13

An nendawi hundik mene andi nami'mo weinglagunem he, no mur amben eterek hakhogo amben eri'lago.

MAZMUR 150:4

E anggwe folelogo tunget hugunem hinabunugetik, pinggong oba hu'lenggen wuni watik, ikhi logolik At ebe fogerati logouwok.

1RAJA-RAJA 22:39

Ap raja Ahab en hilingiti lagaikhe mene faget inom, aiba o hobat oba wam hangge enu gajah andi mene, aik onggo hokho mene laberogo wutikhe mene faget inom, o kota ekhe wuti lagaikhe mene mondogat faget inom, suesingga afuni Israel mene inogogwi raja-raja nen hilingiti lagaukwa mene inom, lisu palogo fesukwama werek.

MAZMUR 45:15

At asu eil yinik-hunik mene labere'ma at ebe hophogo waluk raja were'ma fei lagaikharek, nen at ebere it egebi helime silerik mene omanogo nen enek waluk fei lagaikharek. Nen it andoma mondogat he we at raja obaget enek kwi lagaikharek.

MAZMUR 11:7

At Tuhan andi re katokhogo nek hilingitunem he, afuni fanorogo nek hilingitarek mene re Aren endawi hundik hilinginaferek, nen afuni higithogo hilingitarek mene re Tuhan ebe ineilenggen haluk inelu agarek.