MAZMUR 44:5 - Allah Wene Fano Wene Hupla Inane

⁵ It Hat hagainafuri Yakub ambisangmangge meneba inalonget fisikhi lagen mene noe Raja neisena Allah re Hat hamu welagen.

MAZMUR 44:5 Referans Kwoze

MAZMUR 108:13

Nit afuni nen lebetninabi'lagwi mene andi re we alomarogo hangge hilingi'mo re, it ninaselei mene were'ma andoma nen Haren lebetninabin o.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.

ZAKHARIA 10:5

Afuni Yehuda mene re, ap inomamerogo weim yafarek mene inaselei mene fesi ebe khalem sebelisagarek hakhogo sibil-sebelisambik, inomame asugun. It he, An Tuhan nen leberisugunem he, iren inomamerogo hilingiti logogun. Nen, iren inaselei mene esa wam kuda amboloba lagaluk lagaikharek mene omanogo mondogat inomame leget fisikhi logogun.” iluk ikhe.

DANIEL 8:4

A'nogo hilingi'mo higiri'mo nen he, domba a'nogo andimuk en he barat fikhit inom utara fikhit inom selatan fikhit inom talhi laga higi. A'nogo talhunem he it wam amu-amu mene re at elokhoma kure mondok elo'lek hilingi'mo at omame a'ma nen wilibila re mondogat elo'lek hilingik welaga. Aren he, onggwarek endawimo anggikherek mene nek hilingiti logolik he mondogat awonok agunem higi.

MAZMUR 91:13

Haren kisu inebe inoaterek mene inom, mene olomene aigen palinaferek mene inom, afane soganogo lagik, heisogen sebelogo figik, igin werego.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

1RAJA-RAJA 22:11

A'nogo yagaisikhi logolik, ap it mene ekhe enu Zedekia ap Kenaana amlogo andi nen he, posiemanggen mene wam sapi andimuk ungguloa'ma wulibik mene hangge hilingisogo fesikhesik he, Ahab mel yagatikhe: ”Nineisena Tuhan nen he, mel ikhe: Wam aik yi hak meneba re, haren afuni Siria mene inoasimbik, inebe mondok legetfisagain o, iluk ikhe,” iluk yagatikhe.

MAZMUR 5:3

Hat he, an noe Raja logolik neisena Allah re Hat welagenma re, an nen nane hoba ikhi lagi mene ari fano anggambik lebetnabin o.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.