MAZMUR 44:21 - Allah Wene Fano Wene Hupla Inane

²¹ Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

MAZMUR 44:21 Referans Kwoze

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

PENGKHOTBAH 12:14

Nit mondogaren hilingiti lago mene andoma At Allah nen ayo wurogo pilingninabigin, Wene weak mene inom fano mene inom andi nen hinago werek mene andoma mondogat ayo wusigin.

AYUB 31:4

An nen, yi'nogo hilingisigin, iluk nendawimo ebetfuluk hilingiti lagi mene mondogat At Allah eilenggen niikheresik he, elu mondok werego.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

AYUB 31:14

A'nogo meneat he, an nen a'nogo hilingiti lagi lek halok, an Allah nelokhoma ferekhogo weinam asumo, an At ninom ninggi'nogo ambi asu hak nogo? Aren an wene noba figik, kotik, igiluk wagu kwelek he an nen wene onggo ninggi'nogo yagasu hak?