MAZMUR 44:13 - Allah Wene Fano Wene Hupla Inane

¹³ Nit hagainafuri omanogo we onggo legat endep meneba wokninafigin. Nen a'nogo hilingitigin oba ambisangma ebe agaikhe mondok lek.

MAZMUR 44:13 Referans Kwoze

MAZMUR 80:6

Haren he nit ninamburu nahak he, le aga lago mene andi wo'nisigik, nen ninagai nahak he nineilamusu mondok hokho pokhorogo waga logouwageluk hilingninobagagik, ikhi lagen.

MAZMUR 79:4

Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

YEREMIA 48:27

O attak he, Moab en Israel faget he, ap hinaginaferek mene inom ap inangge wanhunem fakfisagarek mene inom higit endo yatik, hinunggul halhigik, hilingiti lagagip lek nogo?

YEREMIA 24:9

An nen mondogat wil-wal hambik inebe alomat fisamo re yi afuni ti afuni o kweangma welagaikharek mene mondogaren he inailoti logogun. O it loageluk hilingfisagain oba andoma lagunem he afuni nen it faget puliarinafik, endo yagaisogo pelaginafik, sebelfisigik, hilingiti logogun. Aben homan ikfisikhi logolik he it inenu hombuk palogo ikhi logogun.

MAZMUR 89:51

Tuhan neisena. An hamingmingengge yi, noba wiik weakhogo yaganeri'lagwi andi hendawimo ebesin o. Afuni inunggulenu lombogen inane weak noba fili'lagwi andi nen he nendawimo weak welagi o.

MAZMUR 89:41

At awi kota leget pa'leget wurik mene a'nogo meisalogo lakfisegen. Kat oba leget uan wurik mene a'nogo meisa'lambukhogo lakfisegenat.

ULANGAN 28:37

O kweang At hineisena Tuhan nen nalek-falek hinobagagin oba andoma nen he afuni nen inamel-melhogo ineil kumuthisikhi logolik he pilibethinafik, endo yakhinafik, hilinghinafi logogun.

YESAYA 52:3

Tuhan nen againafuri yagaisikhi logolik, ”Hit onggo legengge weat wokhinafama re, yogondak lologo fakhouwogeluk ogore, we onggo legat lologo fakhani o.