MAZMUR 44:10 - Allah Wene Fano Wene Hupla Inane

¹⁰ Oba nen he, yogondak he haren oboget nisegen, nit ninomame leget ninobagauwageluk herak ninobagegen. Nen Hat he nit weim yabuogeluk logalhunem a'nogo ninom laga lagen lek.

MAZMUR 44:10 Referans Kwoze

YOSUA 7:8

Tuhan neisena! ap ninaselei mene nen he Israel mene yei warogo lakfisa wagaikha. Yogondak he an nen ninggi'nogo igin?

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

MAZMUR 89:41

At awi kota leget pa'leget wurik mene a'nogo meisalogo lakfisegen. Kat oba leget uan wurik mene a'nogo meisa'lambukhogo lakfisegenat.

YOSUA 7:12

Andiba re, iren inaselei mene inom weim yafu aplere hambuget haga lek andi. It andi ap inaselei mene nen warogo wulakfisa wagaikha andi re, it inebe ogore mondok leget fisoageluk wene inoba agama re, yi mene ti mene wanu fuk iluk igi mene andoma oan herakfisegep lek halok he, An hit hinom laga logogin lego.

ULANGAN 28:25

Hiren At hineisena Tuhan Allah ane hologo hilingiti lagep lek halok he hit hinaselei mene nen hinomame leget hinobagakhi logogun. Nen hiren fanorogo hinebe eratfuluk weim yabi laga logogun oba nen wulifi logolik he hesangge nalek-falek wulifi logogun. Hit a'nogo hilingitunem weak mene hinoba nek aga logogin mene andi faget, it afuni inunggulenu amu mene nen hit hinoba inamel-melhogo nek kwelakhisikhi logogun.

YEREMIA 20:8

Hundik-handik an nane igiluk he, ”Inanini mene nek! Mondok enggin tungsek mene nek!” hilinglagunem, ningginik-ningginik he nane omameba hum ngai eti lagi. Tuhan neisena, an he Haren ino iluk ugu mene omanogo yagaisikhi lagiba nen, an hundik-handik puliapnafik, li'norogo hilingnobagagik ugu mondok werego.

YEREMIA 15:13

Tuhan nen an noba yaganeti logolik, ”An nen ap selei mene lakfisa wesumo re, it An nagainafuri nen o kweang yiba mondogat weak hilingiti lagaukwa mene andoma onggo re, inangge hokho pokhorogo fetaluk logolik werek mene andoma telambik hogouk eraluk logoin o.

YESAYA 10:14

Afuni inunggulenu lombok o kweangma werek mene re sue awi wurik hak hilingi'mo aben sue enggen inenggi nen awi inom abungusogo helagarek hak, it inangge andoma re, we siserogo nek helagain o. Inagerabulen tarogo wilifik, inambele angetik, inane kwe igik, ekhe ugun mondok lego,” ikhe.

YESAYA 10:6

It afuni An nagainafuri mene An inambot wo'ne'luk lagaikharek mene inom, na'mage kwelafarek mene inom andoma inoasuageluk An nen Asyur lakfei wesigin o. Nen, afuni An nunggulenu mene andoma inangge hugul heligik, hinakhigik, nen kweang age ebekhe kwe were'ma sebelisagarek hak, sebelisigik, hilingisuageluk An nen Asyur lakfei wesigin o,” ikhe.

1 SAMUEL 4:17

A'nogo yagatikhemo, ap wene waluk wagaikhe mene a'nogo nen he, mel yagatikhe: ”Ap Israel mene re it Filistin mene nen muginarek wulifi logolik he, nit fikhit mene re ap warek enek kabok ikhemo re, nit mondok maben ago o. Ninebe mondok hokhorogo ninoati logolik, hat hamlogomi inebe pire, Hofni inom, Pinehas inom, aremnogo emberegat inoata o. A'nogo inoati logolik, Peti Wene Warogo Allah nen wo'ninafikhe, iluk hilingik a'nogo selei mene nen helaluk lagaikha aro,” iluk yagatikhe.

IMAMAT 26:14

Tuhan nen ikhi logolik, ”Hiren An nane holhi'lek Nawene melalek inom higithogo hilingiti'lek halok inom,

BILANGAN 14:42

Ma re, hit logoin mondok lego. At Tuhan hit hinom logoin mondok lek andi nen he, hit andoma lagunem hinaselei mene nen mabenet hinobagambik hinoasugun o.

BILANGAN 14:43

Hit hinebe afuni Amalek mene inom, Kanaan mene inom, inelokhoma asi lambik, hinom weim yafunem, hit hinoasumo wa'lasugun o. Hiren nineisena Tuhan ane hologo hilingisu hinabit andi nen he, at ebe hinom logoin mondok lego,” iluk yagaisasikhe.

ULANGAN 31:17

It a'nogo hilingita halok he, An na'makwe mondok hetperimbik, nanini inoba fagain o. A'nogo fembik it inebe arat herakfisambik he, inebe mondok legetfisagain o. A'nogo legetfisikhi logolik, yi mene ti mene inailo mene hokhorogo inoba fugunem iren he, eige, nit he, nineisena Tuhan Allah fetninarek werek lek higi, iluk futfogoin o.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

MAZMUR 89:39

A'nogo meneat he Haren yogondak at raja oba ha'mage fegen. ap Haren wenatigin mene a'nogo ebe herakfegendik, wulak fisegen.

MAZMUR 89:43

At aselei mene inomame a'luk, at mabenet fisoageluk homame wogisegen. At inom weim palek mene omanogo mondogat inendawimo inagayek asuageluk hilinginafen.