MAZMUR 41:3 - Allah Wene Fano Wene Hupla Inane

³ At Tuhan nen at ebe kagalek welagik, halogo figik ikhi logogin, Aren at ebe o kweangma were'ma fanot fikhi logogin, nen Aren at ebe aselei mene inenggiba fikhi logogin mondok lek.

MAZMUR 41:3 Referans Kwoze

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

2 RAJA-RAJA 1:16

Lagaukwasik he Elia nen raja ba ikhi logolik he, ”Tuhan en ikhi logolik, ’afuni Israel mene werek oba yoma Allah oba heinok wanu mene ekhe werek legen hakhogo, haren ap o kota Ekron mene inanggembu Baal-Zebub a'nogoba heinok wani loageluk lakfisegen a? Andiba re hat hebe re fano asigin lego, hebe wa'lasigin ikhe o!’ ” iluk yagatikhe.

2 RAJA-RAJA 1:6

A'nogo isikhemo iren onggo ikhi logolik he, ”Ap misik ekhe nit ninambit wagasik he nit ninebe sugulogo we'luk ninoe hat hobaget Tuhan nen yi'nogo yaganisikhe hilingi'mo re, yagasi lani iluk yaganisikhe. Afuni Israel mene were'ma andoma re Allah legen he, haren afuni o kota Ekron mene inanggembu Baal-Zebub a'nogo heinok wani lani iluk lakhinobagai waga a? Hat he hebe fano asigin lek, hebe wa'lasigin o! iluk ikhemo yagahesi wago o,” iluk yagatukwa.

ULANGAN 6:24

Nineisena Tuhan Allah nen he, yi'nogo hilingiti logoino, ti'nogo hilingiti logoino, iluk komotninafikhe wene andi hologo higithogo hilingitik, At agaukhogo fogeratik, ikhi logouwageluk yaganisasikhe. Niren a'nogo hilingiti logogun halok, Aren nit ninunggulenu yi mene fetninarek mondok were'ma fano mondok logogun o.