MAZMUR 40:12 - Allah Wene Fano Wene Hupla Inane

¹² Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MAZMUR 40:12 Referans Kwoze

MAZMUR 38:4

Hat ha'mage an noba fugunem he an noba ou mondok weakhogo hugu welagi, an naweagen he nebeba mondogat selek ekhe werek lek.

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

MAZMUR 69:4

An nane hokhorogo yagahetu werek kwelek nomame mondok lek a'luk nalonggobele puk agunem welagi, neisena Allah nen telnabi wesigin iluk yetharek were'ma-were'ma re, neilenggen mondogat ou agunem welagi.

MAZMUR 116:3

Paik hele fugunem ke'nok ikherek hak, an nebe wa'lasigin horogat agunem, na'manggen mondok hokho mene laluk, nailo nen nendawinggen firogo welagi.

MAZMUR 19:12

Wene andi mondogaren he, an hamingmingengge fut fouwageluk yaganeterek. An nen wene andi higithogo hilingisigin halok he onggo hokho mene nobagaikhemo werek.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

IBRANI 4:15

Nit ninoe kain Allah eisewerek welagarek andi re, nit ninomame mondok lek welago andi re, at onggot lego. At nit ninobabut wanhikhesik were'ma, weak mene a'nogo nen, nit weak hilingisuageluk ninendawinggen kagalherek andi hak, at Yesus a'nogoat yi mene ti mene faget endawimo kagali waga lagaikhe meneat he, at weak ekhe hilingiti'lek logolik ninobabut elu welagarego.

LUKAS 21:26

Nen, pogoroba inomame hokho mene inabologet hikhi logoumo, afuni o yi awi ti awi welagaikharek mene nen he: Yi'nogo hilinglagik, ti'nogo hilinglagik, igin a'nogo arat hilinglasigin higi, iluk inailo nen inendawinggen mondok legasigin o.

KEJADIAN 42:28

Kwalek welagaikhemo aren ori omanogo inoba yagaisikhi logolik, ”Uang attak mene a'nogo oak waganogo herakfisikhemo su karung oba kwalegengge yi kwelakhani agwi!” iluk yagaisasikhemo, it omanogo inendawimo youk isukwasik inailo nen heinok wok-wok aga logolik, ”Arire ninggi'nogo nen Allah nen nit ninoba hilingninafe nogo?” iluk isukwa.

MAZMUR 61:8

Neisena Allah, raja andi ebe harenat wenagaisogo fesigin mene hilingi'mo re, Haren hendawi hundik hilingitik, tiphogo nek hilingitik, egendek mene a'nogoba agap laberogo fisogo logoin o. A'nogo were'ma ninhup nanhup andoma re aren enek melalinafu mondok logogin.