MAZMUR 40:11 - Allah Wene Fano Wene Hupla Inane

¹¹ Hat hobabut fano nen, telninafigin wene andi, an nendawimo hinati'lek, hagainafuri fakhogo yagaisikhi logolik, ”At ebe nit ninoba lombokhogo mondok logolik, lebetnisugu welagarego. Nen ninebe endawi hundigen wene watnisikherek mene andi, ekhe sugi agarek lego,” iluk yagaisikhi lagi.

MAZMUR 40:11 Referans Kwoze

MAZMUR 43:3

”An nambotkwe honggwarek handom Sion oba, Hat hawi wuri'mo welagen oba andoma lagen he, Hat hobabut fano enago a'nogo nen, hebe esage hangge seleget nabi wesimbik wo'narek lanogen,” iluk hayonggo fikhi lagi.

MAZMUR 23:6

Hat hobabut he an nebe hendawi hundik logolik, fetnarek mondok welagen mene andi re an nelu o. A'nogo hilingnafi lagen andi nen he, an nebe neluk logolik oba re Hat haiba andoma nabolok lek mondok-mondok logogin o, iluk wuni watikhe.

MAZMUR 57:3

An nane At Allah Lego Mondok welagarek mene a'nogoba humeti lagi o, At Allah an nobaget hilingiri'lago mene a'nogoba nane kweti lagi o.

AMSAL 20:28

Raja nen ferinarek logolik aren endawi hundik hilinginafik, higithogo hilingitik, tiphogo hilingitik, hilingiti logoumo nen he aren mondok-mondok ferinarek logou hak.

MAZMUR 69:16

An nebe i esinggen fonyalik waga logolik sebelnafik, nen i laut elema ma'lima inom athe kweang habuli'mo inom pela'nabinogoluk he Harenat telnafi logoin o.

MAZMUR 61:7

At raja ebe umur uanhogo were'ma, at ebe eluk mondok-mondok logogin.

MAZMUR 69:13

Afuni andogori'lagwi kwe omanogo nen he, an nabok palhu mondok werego. It afuni anggur amusu naluk he, an hilingitirek mene andi faget, kelem wuniba yaganetu werego.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

MAZMUR 89:2

Neisena Tuhan, Haren hendawi nealuk, hendawi hundik hilingnafi lagen mene andi faget, an nen wuni watu mondok logogin o, Nen Haren tiphogo nek hilingnobagakhi lagen mene andi faget he, inebe ekhe ta'lagik ekhe ta'lagik hilingirik wagu kwelek andoma an nen fakhogoat yagaisugu logogin o.