MAZMUR 40:10 - Allah Wene Fano Wene Hupla Inane

¹⁰ It Hat hagainarufi andogorek were'ma, telninafendek wene ninendawimo inagaiyek asugun mene andi nenggi ekhe kamo igi'lek yagahisugu mondok welagirek andi mondogat he helu welagen o.

MAZMUR 40:10 Referans Kwoze

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

LUKAS 3:6

A'nogo hilingitep halok, Allah nen afuni telninabigin mene ekhe lakfei wagunem hineilenggen hogoin o,” iluk, Yesaya nen lisu palogo fesikhe mene higithogoat, at Yohanes nen a'nogo yagaisilik nikhi lagaikhe andi.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

YEHEZKIEL 2:7

An nen wene it inobaget yi'nogo ti'nogo iluk mondogat yagaheti lagi mene andoma iren holugun hea, lek hea, hilingik kwelegat yagaisa lano o. Nen it inobabut he wene sagalharek inap welagaikharek a'nogo helurogo.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

MAZMUR 89:1

Etan awi Ezrahi mene andi nen yanggulinafikhe awuni.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

MAZMUR 22:26

Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.

MAZMUR 75:9

Tuhan anini re piala hangge At enggimo werek, nen piala andiba re anggur amusu arik weak mene hinago werek. At Allah nen he amusu a'nogo kweisal hugunem he, afuni inobaharo weak mene o kweangma yoma werek mene omanogo mondogaren ekhe herak figi'lek i a'nogo mondogat nogoin.