MAZMUR 39:5 - Allah Wene Fano Wene Hupla Inane

⁵ ”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

MAZMUR 39:5 Referans Kwoze

MAZMUR 144:4

Afuni andi re sogoi misigam furogo lagarek andi hangge, nen inafumagengge palogo lagarek andi hakhogo inebe a'nogo werek.

MAZMUR 89:47

Neisena Tuhan, henggi miren oba hinago logombigen weinam asigin nogo? Hat ha'mage endu amulok lagaikherek hangge lagali'lago mene andi henggi miren hak logombigen lek asigin nogo? Neisena.

MAZMUR 62:9

Yago, hit an nunggulenu mene yoma sani, linggene hundik-hundik At Allah andiba nek hinendawinggen eberek logoni o, Nit ninebe At awea'ma kuluk oba himbirik welagoma re, hit hinendawimo anggikhi lagep mene andoma At a'ma pulelogo liak fikhi logoni o.

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

YAKOBUS 4:14

Ohealekwe nit wene ninoba yi'nogo hilinglasigin, iluk hinonggorat logolik ikhi lagep andi ri! Nit ninebe andi nena mene hangge welagorek nogo. O hena endebat welagaresigen weak-weagat lek agarek andi hak, ninebe a'nogo welagorek andi.

MAZMUR 39:11

Haren yei warek oba an mondok wa'lasu hak hilingiti lagarik he unggum an noba fesigin mene andi Haren korogo leget fein o.

AYUB 7:6

An nebe neluk welagi mene yi yi'nogo asigin iluk mel eberek legengge logolik weak-weakhogo nek ambisangma asi lili'lago. It afuni nen su selebeneti logolik, su selebenetungge kwaniterek mene andi re aninurek hanggeba nen he we weak-weakhogo nek lili'lago.

YESAYA 40:17

Yi afuni ti afuni mondogat he Aren esin hangge anggikherek lek, At elokhoma re it he we elo'lek hangge anggikherek.

PENGKHOTBAH 1:2

Hun wene wenggelfuluk ikherek mene andi nen yi'nogo isikhe: Mondogat omare we elalinat, alomarogo werek! Ineluk welagaikharek andi re ero le'ma we alomarogo werek isikhe.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

2 PETRUS 3:8

Mene re, nerugwi nagaila'lak. Hinebe nendawi e. Wene misigat yi hinonggoragup. Ninoe Enupogot endawimo anggikhi logolik, o lingge misigat welagorek andi re, 1.000 tahun hangge anggikherek. Nen, 1.000 tahun andi re, o lingge ninenggi misigat welagorek andi hanggeat anggikherek. Mene re, emberek higit enek anggikherego.

2 SAMUEL 19:34

A'nogo yagatikhe meneat he, at Barzilai nen he, ”Noe an nebe neluk ekhe inom logogin le'ma re, hat nemberek o Yerusalem tulemat logoin andi nahalok?

MAZMUR 90:12

Nit nineluk umur horogat welago mene andi faget, fut fouwageluk ninendawinggen kagalek mene hilingninobagakhi logoin o.