MAZMUR 37:8 - Allah Wene Fano Wene Hupla Inane

⁸ Hiren hina'mage lagaluk hinendawimo het-pet u fuk, A'nogo hilinghinabigin andi re weaget hinabigiluk hilinghinabigin.

MAZMUR 37:8 Referans Kwoze

AMSAL 14:29

Ap hebelek mene nen he wene fanorogo wenggel halugen ikherek, oba nen ap kembu mene re wene sebelha re elo'lek agarek.

AMSAL 16:32

Inomame welagaikharek andi re endep harek hak oba nen, weak-weak wenagisagarek lek andi nek he mondok fano. Inomameba o kota halogo fagarek andi we harek hak oba nen inonggwarek inebe halagarek mene andi nek he mondok fano.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

KOLOSE 3:8

A'nogo meneat he, yogondak hit hinobabut ekhe yi mene mondogat herakfisanoat. Ina'mage lagaikherek andi inom, ina'makwe het-pet ikherek andi inom, it ekhe weagerinafarek andi inom, inambeba re inabok weak palhik, weak hilingitarek mene asegen abok igik agarek andi inom, herakfisikhi logoino o.

AYUB 5:2

We ap mondok kembu mene nek he, inendawi ou ikhi la'luk wa'lagaikharek andi.

YUNUS 4:1

Allah nen afuni omanogo inoba unggum figi'lek oak waganogo herakfesikhemo re, at Yunus a'nogo endawimo mondok weak agaikhesik, a'mage lagasikhe.

YUNUS 4:9

A'nogo isikhemo, At Allah nen he, ”Hat he hele ari faget hendawimo weak a'luk logou re lek meneba nen hilingiti lagen o,” iluk yagatikhemo, at Yunus nen he, ”Nenahalok lek nogo? An na'mage lagau obaat lagaikhemo re, nebe wa'lasigin namolo o,” iluk yagatikhe.

AYUB 18:4

Hawene weak andiba re honggwaregen hebe ouap erikhi lagen. Hat hendawimo anggikhi lagen mene andoma higit asuageluk o kweang yi lek agik, o tom oma higilogo lagik igin anggikhi lagen a?

MAZMUR 73:15

An nen naneba a'nogo ikhi logoilema nen he, hat hagainafuri mene a'nogo inenu weaget fisikhi logoile.

MAZMUR 31:22

Tuhan andiat fogerasuok! An haningisogo kwelaknobagaluk noasuogeluk kwi wagunem At Tuhan nen endawi hundik hilingnabi'lago mene andi faget he, an nen fogerati lagi o.

1RAJA-RAJA 11:22

A'nogo yagatikhemo re, at raja nen heinok wokhikhi logolik, ”Nenahalok? Hat he yoma yi mene ti mene le'ma anggolorogo logolik haiba eroma lagain iluk ikhi lagen a?” iluk yagatikhe mo, at Hadad en onggo ikhi logolik he, ”An nena mene ekhe nelagaigen he lego, oba nen he we an loageluk angganogen iluk yagaheti o,” iluk yagatikhesik, at a'nogo ambotkwe awi eroma lagaikhe.