MAZMUR 37:1 - Allah Wene Fano Wene Hupla Inane

^1-2 Afuni weak hilingitarek mene andi re, inebe engga higit weak-weagat legagik, nen engga ket mene sawet agarek andi hak, hilinglasugun andi nen he, it weak hilingitunem, hinendawinggen warigik, hinamage inoba figik, u fugo.

MAZMUR 37:1 Referans Kwoze

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

AMSAL 23:17

Ap weak hilingitu mene faget hina'mage inoba fisa fuk. Hineisena Allah ba lomborogo logolik hilingiti logoino.

AMSAL 24:19

It afuni ekhe inobabut weak hilingitarek mene re, haren ha'mage inoba figik, hal ngesukum watfisigik u fuk.

AMSAL 3:31

It ap inobabut haferogo hilingitarek mene omanogo inoba ha'mage fikhi logou fuk, nen iren hilingitarek mene andoma inobabut walhigik hilingisu fugat.

AMSAL 24:1

Ap weak hilingitarek mene faget hina'mage inoba figik, nen it hinom kam watik u fuk.

GALATIA 5:21

inendawimo nen, it ekhe inagarek mene, ”Namolo e,” anggigik, i hangge naluk lugulugwi palhik, pesta seni isago naluk weak hilingitik, agarek andi inom, ekhe a'nogo hilingitarek mene mondogat inom, faget igi andi. It afuni ekhe a'nogo hilingiri'lagwi mene halok, Allah awe a'ma fisikhere'ma andoma eisewerek asugun mondok lego, iluk, wene andi faget attak yagahisasigi hak, hobuk komorogo yagahisigiat andi.

AMSAL 19:3

Afuni inonggwarek kembu nen weaget fakhalugen, wene andi faget Tuhan weak iluk agarek.

AYUB 17:8

A'nogo were'ma nealuk he nit fano hilingiti lago iluk anggili'lagwi mene omanogo nen he youk mondok laluk, inebe mondogaren an he Tuhan nonggot mene hakhogo wene noba fili'lagwi.

PENGKHOTBAH 8:13

Agaumhogo re ap kwanirogo hilingitarek mene re enggin-fenggin hokhorogo hikhi logogun. At ebe eluk werek mene re inafumagengge palago lagarek hak weak-weak legasigin. Andi re aren eisena Tuhan oba tiphogo hilingiti logogin lek andi nen at ebe umur oan werek kwelek wa'lasigin andi.