MAZMUR 34:22 - Allah Wene Fano Wene Hupla Inane

²² It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 34:22 Referans Kwoze

MAZMUR 103:4

An nebe endawi hundigen, endawitnaferek, nebe wa'lasuhak were'ma, telnaferek.

MAZMUR 71:23

An nen wuni fogethafu awuni Hat hobaget ikhi logolik he, an mondok nagaiyek hokho meneba wonoget fakhikhi logogin. Haren an nagap telogo nobagegenma re, an nebe nendawinggen oba nenat mondok nanggilukhogo nawuni wulagaisogo fogethafu welagirek.

2 SAMUEL 4:9

A'nogo yagatukwaba nen he at Daud en onggo ikhi logolik he, ”Tuhan eluk mondok welagarek mene nen he, an nebe yi mene ti mene ambisangma a'luk noasu hagenek agunem nagap telnaferek mene a'nogo nen he, an nen igin mene yi re eberogo mene ikhe iluk eluat logogin.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.

MAZMUR 31:5

An he Hat hoba lomborogo welagimo re, Afuni nen an nobaget hele wephogo fili'lagwiba andoma nen lologo wulaknobagakhi logoin o.

MAZMUR 130:8

”Nit weak hilingitorek mene andi mondogat hele warogo fetninarek were'ma, hobuk At Allah nen telninabigin o,” iluk wuni watukwa.

1RAJA-RAJA 1:29

A'nogo kwisikhemo, at raja nen he, mel yagatikhe: ”An nen nit afuni Israel mene nineisena Tuhan Allah enu hombuk palogo wene watheti logolik he, heak Salomo an nobali'mo ebe raja menfoumo afuni ferinarek logogin iluk eberogoat yagahetigi aro. Andi nen he, o yogondak yiba nineisena Tuhan eluk mondok welagarek mene nen, an weak were'ma telnaferek mene a'nogo enu hombuk palogo wene wathetigi mene andi, eberogoat tiphogo hilingisigin aro,” iluk yagatikhe.

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

RATAPAN 3:58

Tuhan neisena, an nawene faget Haren hal nobagegen, an neluk a'nogo Haren nagap telogo nobagegen.

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

MAZMUR 37:15

A'nogo meneat he, afuni inobabut weak mene andi re, inonggwaregen inenggarok oba lisogo inebe warigik, inasikhe falelogo figik ugun werego.