MAZMUR 34:13 - Allah Wene Fano Wene Hupla Inane

¹³ Hit hinebe hineluk uanhogo logolik, yi mene ti mene fano mene nunggu welagaikharek mene andi hinamolo halok he,

MAZMUR 34:13 Referans Kwoze

MAZMUR 141:3

Tuhan neisena, nambeba kagalnarek logolik, nambe pum oba heilenggen abirogo kumutnarek logoino.

AMSAL 21:23

Ap ekhe nen enggin mene noba asi nogoluk halok he, aneba fanorogo ogalikhi logouwak.

1 PETRUS 2:22

Aren he, ”Weak ekhe hilingiti'legat. Nen, eranen ugunem, afuni ekhe inesanggo holhi'legaro.”

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

KOLOSE 3:9

Su attak mene nonggologo lakfisaluk he, hobuk ket mene labetarek hak, hit hinobabut attak hilingiti lagagip mene herakfisaluk, hobuk hinobabut ket mene wanhigip andi nen, hineranhogo wene ikhi logogubo. Hinobabut ket mene andi, Allah nenat elalhinafikhemo andi nen he, at onggwarek obabut hangge hilingla'luk he, ebe mondok furogo hinelu asuageluk, hobugalebat hilinghinabi'logo andi.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

AMSAL 13:3

It afuni inobabut wenenggak uogoluk logolik inendawimo wenggelfulugen agarek mene andi re inebe fano welagaikharek. Nen, it ekhe inobabut wenenggak uogoluk inendawimo eberek legengge yugunat agarek mene andi re, mondok weak mene inoba agarek.

AMSAL 12:22

Tuhan he ap ineranen wene lalinafarek mene andi abit inoba fikherek, oba nen he Aren afuni higithogo hilingitarek mene re endawirinaferek.

AMSAL 12:19

Ineranen wene agarek mene re we ferekhogo nek weinam agarek, oba nen eberogo wene andi re mondok-mondok logogin.

MAZMUR 39:1

Afuni nen wuni wulak fuluk inebe ambine ugunem melalinafarek mene faget, Yedutun faget, Daud en watikhe awuni.

1 PETRUS 2:1

Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.

AMSAL 18:21

Inamelinggen andi nenat afuni weagerinafik, fanorinafik ikherek afuni inane ambisangma nek enggin mene helagarek.

AMSAL 19:9

Ap wene tiphogo pilingitarek oba omanogo nen ineranhogo wene agarek mene andi re ebe unggum woge'luk eiloak leget fogoin.

MAZMUR 55:11

Iren he hup hundik-lingge hundik haningirik nikhi logolik he, weak mene nek hilingitik, ina'mageba yei wene liabugun mene nek hilingitik, hilingirik nugunem isikhi lagi o.

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

AMSAL 12:7

Ap weak hilingitarek mene re pile pimbik inobalik legengge wa'lasugun, oba nen ap eberogo hilingitarek mene re iren tagomangge mene re femhogo ineluk mondok mondogat logogun.

AYUB 15:13

haren Allah ba hobaharo fikhi logolik ane sagalogo hilingiti lagen omari?

AMOS 5:14

Hineluk fano logobagaigen he, weak hilingitarek mene andi murok lagi'lek, higithogo hilingitarek mene andi nek murok laga logoino o. Hinobabut a'nogo hilingiti logogun halok, hineisena Tuhan yi wene ti wene hilingisu hagenek mene andi re, hit hinane ikhi lagep mene andi higithogoat hinanggele'ma mondok logogin o.