MAZMUR 34:12 - Allah Wene Fano Wene Hupla Inane

¹² Hit alage nagoromi, wene Tuhan oba hinailorogo logogun awene yagahisagain mene yi, hinesanggo fanorogo holini o!

MAZMUR 34:12 Referans Kwoze

ULANGAN 30:20

Nineisena Tuhan Allah hinendawinggen hundik logolik, At oba lomborogo ane hologo mondok hilingiti logoino o. A'nogo hilingisugun halok he, At Tuhan nen o ninombalak Abraham inom, Ishak inom, Yakub inom, wogisagaluk wene warisasikheba andoma hit hinebe inom, hiren tagongge mene inom, hineluk logolik hinebe umur uanhogo logogun o,” iluk yagaisasikhe.

ULANGAN 6:2

Hit hinebe inom, hiren tagongge mene inom, o andoma hinebe umur uanhogo logobagaigen he, hineluk logolik nineisena Tuhan Allah agaukhogo fogerati logolik, aren komotninafikhe wene mondogat an nen yagahisikhi lagi mene yi hologo higithogo hilingiti logoino o.

PENGKHOTBAH 3:13

Nit ninebe mondogat ninenggiba yabu set kwil-kwalhogo hilingfuluk yi mene ti mene yagaisogo ebe tatik, palhik, ogorek andiba ninendawimo hai hikhi logolik, sumburu ninggik, i ninggik ogorek andi re, At Allah nenat wo'nisikherego.

MAZMUR 91:16

An nen at ebe umur uanhogo wogotunem, at eluk ekhe inomat welagik, nen ebe telogo figik, ugunem ikhi logogin o,” iluk isikhe.

MAZMUR 4:6

Tuhan faget fano mene nek wogosi we'luk, hinendawinggen At oba tibet fuluk logoni.

AYUB 7:7

Neisena Allah, an neluk welagi mene yi re haren heleage furogo kwelabek mene welagi a'nogo ebethan. An nagaiyek welaga mene a'nogo re ekhe werek lek mondogat he longgo ikhe andi.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

PENGKHOTBAH 2:3

An nebe hebelek mene asigin iluk namolo anggikhi lagi mene a'nogo nen wo'narek laga-laga, an nen he anggur agai nunggu mene inom, seni isagaisogo i ninggi logolik kabogetukwe omanogo inom, lagain halok he afuni kweangma ineluk we horokhogo ya logolik fano logogun he andi hea, iluk ebeti lagagi.

MAZMUR 21:4

Hat hebe waga logolik hangge yi mene ti mene at oba fanot fei wagik, at ungguloba kware-kware emas oba hilingik engge puget fei wagik, isigin.

KEJADIAN 49:2

”Hit an Yakub nagainafuri mene andogosi we'ni o. An hineisena Israel en wene yagahisagain mene yi hinesanggo fanorogo holini o.

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.

AYUB 33:33

Oba nen he a'nogo igin lek halok he, hane legengge logolik an nen igin mene nek hesanggo holek logoin; an nen he hat hendawimo kagalek mene a'nogo yanggulhabigin enggere,” iluk yagatikhe.

AMSAL 4:20

Namlogo e, an nen komothafirek mene andoma hesanggo holfuluk, nane igirek mene andoma futfikhi logoino!

AMSAL 7:24

A'nogo hilinglaga andi nen he, nagainafuri e. Wene an nen komothinafi lagi mene andi hinesanggo holfuluk he, fanorogo futfikhi logoino o.

AMSAL 9:10

Ap inobabut hebelek mene asuogeluk halok attak-attak he Tuhan oba inailorogo logogun fano. Nen, aren ambi At Ebe Mondok Horek mene a'nogo elu agu halok he, futfuluk hilingitarek mene eise aga andi.