MAZMUR 34:11 - Allah Wene Fano Wene Hupla Inane

¹¹ Mene singa ebe oan mene amburu legen nele welagarek, meneat he, afuni Tuhan murok nikharek mene re, yi mene ti mene fano mene inelagaikhogo ekhe logogun mondok lego.

MAZMUR 34:11 Referans Kwoze

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

MAZMUR 111:10

Ap sa nen obabut hebelek mene logogin amolo halok he, aren Tuhan oba along anggaluk legeisogo fikhi logogin fano. Nen, afuni At ane hologo nek hilingitarek mene inoba re fanorogo wenggelharek mene wogisikherek. Inenggi mondok-mondok andoma re Tuhan nek fogerati logogun.

MAZMUR 32:8

At Tuhan nen yaganeti logolik he, ”Kwe fanokwe lagaikharekwe andi re, An nenat yagahesigin o, hat hebe fetharek logolik, yi'nogo hilingiti logoino iluk, yagahetik, komothafik, ikhi logogin o.

YESAYA 28:9

Iren An noba wene fikhi logolik yi'nogo ili'lagwi, ”Aren he, sani inoba yagaisikhi lagi iluk ili'logo? Ebe yi'nogo iluk he ap sa oba tindelogo yagasigiluk nogo? Aren anggikhi logolik nit yi re omalik eilak oan nunggu mene hangge anggili'lago a?

AMSAL 8:17

Afuni ekhe nen, an inendawinggen hundik halok, an nen it inoba nendawinggen hundik welagiregaro. An hera'nabik noba wesugun halok, an nebe ninom ambi asugun aro.

AMSAL 7:24

A'nogo hilinglaga andi nen he, nagainafuri e. Wene an nen komothinafi lagi mene andi hinesanggo holfuluk he, fanorogo futfikhi logoino o.

AMSAL 4:1

Yago nagainafuri, hineisugwi nen komothinabi'lagwi mene andoma fanorogo hologo hilingiti logoino! Hiren wene andi futfuluk higithogo hilingiti logogun halok he hit hinebe hebelek mene asugun.

MAZMUR 66:16

Yago, hit afuni wene melalek futfuluk hilingiti lagep mene yi sani, At Allah nen an nobaget hilingitikhe aple tindelogo yagahisagain enggere, hinebe we'luk he hinesanggo fanorogo holi we'ni o.

AMSAL 22:6

Hit hinagainafuri inobabut fano higithogo hilingiti logogun mene faget inebe oan obaat fanorogo yagaisikhi logoino o. A'nogo yagaisikhi logogun halok, inebe inalue asimbik wene sagalogo herakfisigi'lek higithogo hilingiti logogun.

2 TIMOTIUS 3:15

Hat hebe yenggerek oba nenat Allah ane lisu palek helu welagen mene andi hendawimo eberek mondok logoino o. A'nogo logolik, hendawinggen Kristus Yesus oba himbirik were'ma, Allah nen telhabigin mene futfeinogeluk, at ane lisu palek andibaat hendawimo elogat kagaligin werego.

AMSAL 8:32

Andi faget he, hit ap alage mene yi sani! An nen wene fano wene komothinafirek mene andi, hinendawinggenma waluk higithogo hilingiti logoino o. A'nogo hilingiti logogun halok ambisangma fano logogun o.

PENGKHOTBAH 11:9

Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego.

YOHANES 13:33

Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.

AYUB 4:11

A'nogo hilingfisugunem, it andi mene olomene enda'ma mene a'nogo ambe nunggu mene legen ebe wa'lagarek andi hak, ebe wa'lagunem he, inagainafuri heise mondok pugulogo longgo agarek andi.

MAZMUR 23:1

At Tuhan he, an nanggembala se'narek mondok were'ma, an nelagaikhogo ekhe welagirek lek.

MAZMUR 107:9

It afuni inagai nele nen inoba yamukhogo noagaluk inom, nen it afuni inamburu nele mene inalabut ninghogo noagaluk inom, oba heilarogo wogisikhi lagaikhe andi nen he, fogerasugun obaat fogerasuak.

MAZMUR 112:3

It ineisok erokwe mene re inenggi werek mene agik, inangge yi mene ti mene hokho pokhorogo welagik, hilingik logogun, nen it andi re ninhup nanhup andoma fanorogo nek logogun.