MAZMUR 34:10 - Allah Wene Fano Wene Hupla Inane

¹⁰ It afuni Tuhan inailorogo welagaikharek mene re, inelagaikhogo welagaikharek lek andi nen he, hit At againafuri mene nen he, At agaugwerati logoino o.

MAZMUR 34:10 Referans Kwoze

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MATIUS 6:32

A'nogo hilingitarek andi mondogat he, it afuni endakwe mene nen andi mene esinet fuluk herarik nikharek meneat he, hit yi nek he, yi mene ti mene legen hinelagaik hak welagep andi, at hineisena Allah pogoroba mene elu welagarego.

MAZMUR 104:21

Singa ebe oan mene, at nagain mene faget ane kwe agan herarik nikherek, at noageluk Allah nen foukhogo fugu mene omanogo faget wo'nesuagaluk herarik nikherek.

MAZMUR 23:1

At Tuhan he, an nanggembala se'narek mondok were'ma, an nelagaikhogo ekhe welagirek lek.

MAZMUR 33:19

A'nogo ferinarek logolik it inebe wa'lasinogoluk Aren fanorogo telinafik. Sumburu ouwak were'ma ineluk fanorogo logouwagaluk ferinarek welagik, ikherek.

MAZMUR 112:3

It ineisok erokwe mene re inenggi werek mene agik, inangge yi mene ti mene hokho pokhorogo welagik, hilingik logogun, nen it andi re ninhup nanhup andoma fanorogo nek logogun.

AMSAL 10:3

Tuhan nen afuni fano hilingitarek mene nelerogo logouwageluk oboget isikherek lek, oba nen he ap weak hilingitarek mene inoba nek he iren ti mene helogoin iluk anggagarek mene omanogo hilingisinogo iluk Aren inanggwe palherek.

AMSAL 19:23

Hineluk fanorogo logouwogeluk halok he hineisena Tuhan Allah hinendawirogo logoino, a'nogo hilingisugun halok he it hinebe hinailo lekhogo logolik hinoba homorogo logogun.

AMSAL 22:4

It afuni ekhe inobabut sebela'luk Tuhan inailorogo logolik hilingitarek mene andi re hobuk inangge hokhorogo hilinglagik, it afuni ekhe nen agaugwerinafik, inebe fano ineluk welagik, ugun o.