MAZMUR 33:12 - Allah Wene Fano Wene Hupla Inane

¹² It afuni inunggulenu inap ekhe nen Tuhan Allah andi re nit nineisena iluk fakhogo yagaisagarek mene andi re inagaiyek hikhi logouwago, Nen it afuni Aren wenagaisogo An nonggwarek nagainafuri mene logouwageluk fisasikhe mene andi re inendawimo hairogo logouwago.

MAZMUR 33:12 Referans Kwoze

MAZMUR 144:15

It afuni inunggulenu ariginik mene andoma re mondogat inagaiyek hikhi logouwak, it afuni ineisena re Tuhan Allah hilingik mene andoma, inagaiyegeti logouwak.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

MAZMUR 65:4

An weak hokhorogo hilingiti lagimo enggin hokho mene noba welagi meneat he, Haren elok sebelogo leget fisikhi lagen o.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

ULANGAN 33:29

Hit afuni Israel mene yi, hinendawimo hinagaiyeti logoino o! Nit nineisena Tuhan nen hit telhinafikhe andi hak, it afuni inunggulenu lombok ekhe telinafi'lego. Nit nineisena Tuhan a'nogo, ebe hit werekwe a'luk, hinaselei mene mabenetfisaluk, hinomame asuagaluk hilinghinafik, ikhi logolik, At ebe re, karok weim yafarek mene hakhogo inom, afuni nen inoasinogo iluk sing labetarek hakhogo inom, asimbik logouwago. Afuni hinaselei mene andi nen, Hinendawit ninabini o, iluk yagahisa wagunem, hiren he, it inebe hineisogen al perelogo fisikhi logogun o,” iluk yagaisasikhe.

MAZMUR 135:4

At onggwarek faget he Yakub wenagaisogo fakhasikhe, At againafuri Israel mene re At onggwarek mene hilingisogo fakhasikhe.

YEREMIA 10:16

Yakub eisena Allah andi re tugwi kembu andoma inom higit he lego, At andi re yi mene ti mene mondogat elalhikhe mene. Nen Enu re Tuhan Omame Mondok Hokho mene andi. Aren he Israel mene At againafuri mene asuageluk wenagaisogo fisasikhe.

MAZMUR 28:9

Tuhan neisena, afuni Hat againafuri mene andoma inagap telinafik, it afuni Hat honggwaregen mene andoma inoba fanot fisigik, in o. Hat hebe it inobaget gembala higit a'luk hundik-handik andoma Haren mondok-mondok kagalinarek logoino.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

2 SAMUEL 20:19

Nit ninawi kota Abel ari re mondok hokho mene hilingik, nen o afuni Israel mene werekwe andoma nen he o arire tiphogo nek hilingitarek aiba, nen ebe ogore yi wene ti wene onggorengge we wonghogo werek awi.’ Oba nen he, nenahalok noe haren wolelenggenhogo fagain iluk hilingiti lagen? Noe hat he At Tuhan anggweang onggwaregen mene ari weagerogo fagain iluk hendawimo hamolo logolik hilingiti lagen a?” iluk yagatikhe.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.