MAZMUR 33:11 - Allah Wene Fano Wene Hupla Inane

¹¹ A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

MAZMUR 33:11 Referans Kwoze

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

AYUB 23:13

At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

YEREMIA 29:11

An nen hit hinobaget hilinghinobagagin mene iluk nendawimo ebeti lek nogo a? Hilinghinobagagin mene iluk nendawimo ebeti lagi mene andi re hit longgot hinobagagin iluk he fuk, athe hit hinendawinggen fano serogo logobagaigeluk, nen hit hobuk logogun mene faget hinendawinggen eberek mondok logobagaigeluk ebetu welagi o.

RATAPAN 3:37

Tuhan endawimo andi mene asuak anggigi'lek kwelek, eberogo nen andi mene faget afuni nen yi'nogo ti'nogo iluk hilingisumo re elok nogo?

YESAYA 14:24

Tuhan Omame Mondok Hokho mene a'nogo nen ane hombuk yi'nogo palhe, ”An nen wene mondogat kagalogo figi mene andoma re eberogo nen he higithogo nek hilingisigin.

YESAYA 14:27

A'nogo hilingisigin iluk andi re Tuhan Omame Mondok Hokho mene a'nogo nen wene mondogat tekhogo fikhe. At enggi re unggum inoba fagain iluk lego logolik were'ma re, ap ekhe nen Haren a'nogo hilingisigin lek iluk kwe palumo re elo'lek.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

EFESUS 1:11

At Allah nen he, ”Yi'nogo hilinglasuak, ti'nogo hilinglasuak,” iluk endawimo anggikherek higithogoat yi mene ti mene mondogat hilingitunem hilinglagarek andi nen he, ”It inebe an nonggwarek nagainafuri asuageluk,” wenagaisogo wo'ninafikhemo re, eisewerek agagu andi.

MAZMUR 92:5

Haren hilingiti lagen mene andiba re an nendawimo nagaiyek mene hilingnobagali'lago, Haren yi mene ti mene elalhigin mene andiba re an nendawimo nagaiyek mondok agunem, nawuni warikhi lagi.

MIKHA 4:12

A'nogo ili'lagwiba nen he nineisena Tuhan nen it inoba hilingfisagain mene faget wene mondogat ebethesik he inebe re gandum enggen lolugun iluk palogo kabogetarek a'nogo hak, wene inoba fagain iluk foukhogo fikheba nen iren futfigi'legengge logolik ili'lagwi andi.

KISAH PARA RASUL 15:18

a'nogo ninelu asuageluk fageat yaganisasikhemo, lisu palogo fesukwa andi.

2 RAJA-RAJA 19:25

A'nogo hilingiten meneat he, o endamat en, Aren a'nogo hilingisuak, iluk an nenat isigi mene andi hat hesanggo holhendek lek nogo? Hesanggo holhendegaro. An nen a'nogo isigi andibaat, yogondak haren afuni inawi kota leget pa'leget helep mene ninghogo wurik mene mondok wulil tagalogo helep som higit asugaeluk hilingiti lagen andi, An nomame wokhetimo mondogat hilingiti lagen o.

PENGKHOTBAH 3:14

At Allah nen yi'nogo ti'nogo hilingiterek mene andoma re mondok-mondok logogin andi nen he an nelu o. Nit afuni nen ekhe oba to'motfigik, misik ekhe pelakfigik hilingisu mo re elo'lek. Nen At Allah nen a'nogo hilingiterek mene andi re niren At oba ninailorogo logouwageluk hilingiterek.